"Monografiyada qishloq mehnat bozorlarining iqtisodiy mohiyati, uning bozor munosabatlaridagi o‘rni va rolini oshirish, qishloq xo‘jaligi ishlab chiqarishida ortiqcha ishchi kuchini hosil bo‘lish xususiyatlarini aniqlash, qishloq joylaridagi mehnat bozorlarida sog‘lom raqobat muhiti yaratish, qishloq joylaridagi demografik vaziyatning mehnat bozoriga ta’siriga aniqlik kiritish, qishloq joylarida istiqbolli yangi ish o‘rinlari yaratish, mavjudlarini saqlash uslubiyotini joriy qilish bo‘yicha taklif va tavsiyalar asoslab berilgan.
Kitobda keltirilgan ilmiy taklif va amaliy tavsiyalardan mamlakatimiz qishloq mehnat bozorlarining barqarorligini ta’minlash va modernizatsiya qilishning asosiy yo‘nalishlaridan keng foydalanish, xususan Qashqadaryo viloyati qishloqlari mehnat bozorini rivojlantirish va yangi ish o‘rinlarini yaratish jarayonlarida foydalanish mumkin.
Monografiya iqtisodiyot, menejment, marketing, mehnat iqtisodiyoti kabi ta’lim yo‘nalishlarida ta’lim olayotgan Oliy o‘quv yurti talabalari, professor-o‘qituvchilari, katta ilmiy xodim izlanuvchilari hamda qishloq xo‘jaligi korxonalari rahbarlari va keng kitobxonlarga mo‘ljallangan."