"O‘zbek xalq qo‘shiqlarining katta-kichik nashrlari bir necha marta amalga oshirilgan. Lekin kuyga solinib, maxsus musiqa bastalanib,

san’atkorlarimiz tomonidan ijro etilib kelinayotgan ashulalar hozirga qadar bir erga jamlanmagan, alohida to‘plam holida chop

qilinmagan. Mazkur majmua misolida bu ishga ilk bor qo‘l urilayapti.
Ma’lumki, xalq qo‘shiqlari o‘zining shaklan go‘zal va mazmunan

teranligi, ohorli tashbehlarga boyligi va yuksak badiiyati, jarangdor va ta’sirchangligi bilan alohida ajralib turadi. Halq og‘zaki

ijodi deb atalgan zilol chashmadan bahramand bo‘lmagan san’atkorning parvozi baland bo‘lmaydi. O‘ylaymizki, ushbu to‘plamni mutolaa

qilgan har bir san’atkor undagi biror-bir qo‘shiqni xoh aslicha, xoh yangicha talqinda ijro etishga intiladi. Har bir xonanda bittadan

xalq qo‘shig‘iga yangi hayot bag‘ishlaganda ham qo‘shiqchiligimiz qanchalik boyishini tasavvur qilavering! Ayni jihatdan mazkur majmua qo‘shiqsevar

xalqimizni go‘zal badiiyat durdonalaridan bahramand etish barobarida, san’at ahli uchun o‘ziga xos ilhom manbai bo‘ladi, deb umid

qilamiz."