"Buxoro amirining Sitorai Mohi Hossa qarorgohi XIX-XX asrlarga oid noyob me’moriy majmualardan biridir. O‘zbekiston

mustaqillikka erishgandan keyin mazkur obida mukammal ta’mirlanib, unda xalq amaliy san’ati ko‘rgazmalari ochildi. Ayni paytda, etti

iqlimdan Buxoroi Sharifga qadam ranjida qilayotgan sayyohlar xalq dahosi bilan yaratilgan bu ajoyib osori atiqa va u erdagi rang-barang

badiiy hunarmandchilik buyumlari bilan tanishib, nihoyatda boy madaniyatimiz sarchashmalaridan bahramand bo‘lishmoqda.
Mazkur risolada

Sitorai Mohi Hossa saroyining yaratilish tarixi, uni barpo etishda ishtirok etgan ustalar va qo‘llanilgan me’moriy uslublar to‘g‘risida

qiziqarli rivoyatlar, tarixiy dalillar asosida maroq bilan naql etilgan. Muallif osori atiqada joylashgan muzey ko‘rgazmalariga

qo‘yilgan xalq amaliy san’ati qadimiy namunalari, o‘tmish hunarmandlari faoliyati haqida ham sodda va ravon hikoya qiladi.
Me’morchilik

tarixi va xalq amaliy san’ati bilan qiziqadigan keng kitobxonlar doirasiga mo‘ljallangan."