Муаллифлар

Элужа Отали (Ҳусейнова Мадина Ихтиёр қизи) 1966 йил 19 ноябрида Озарбайжоннинг Нефтчала тумани, Холқарақошли шаҳарчасида туғилган. Боку Давлат университетининг кутубхоначилик факультетида таҳсил олган. “Озарбайжонда китобсеварлик: ташкил топиши, ривожи, модерн давр ва оқимлари” мавзусида докторлик дисертациясини ҳимоя қилган. Адиба Швецияда истиқомат қилади.

Иброҳимжон Отажонов 1952 йил 26 апрелда Наманган вилоятининг Мингбулок туманида таваллуд топган.
"Тўғрининг тўқмоғи" номли шеръий тўплам шоирнинг иккинчи китоби ҳисобланади. Шоирнинг илк китоби "Хакиқатга юзландим" деб номланиб, ушбу тўплам 2000 йилда кенг китобхонлар оммасига тақдим этилган эди.
Мазкур шеърлар тўпламида тўғрилик, адолат ва хақиқат ҳақидаги мулоҳазаларни ўзида мужассамлаштирган шеърлар келтирилган. Унда инсоннинг кундалик ҳаёти билан узвий боғлиқ бўлган қоидаларни маълум даражада тартибга солишга ҳамда уларни муайян тарзда умумлаштиришга ҳаракат қилинган. Тўпламда самимийлик, тўғрилик, камтарлик, сезгирлик, меҳр-муҳаббат, тўй, оила, аёлларни эъзозлаш, оналарни авайлаш, ота-она маъсулияти каби масалалар шеърий усулда мазмунли, таъсирчан ва қизиқарли тарзда ёритилган.
Муаллиф Иброҳимжон Отажоновнинг яхшилик ва ёмонлик, иймон ва иймонсизлик, оқиллик ва жоҳиллик мавзуида ёзган шеърлари инсонни дафъатан сергак торттиради. Ўз умр йўлига теранроқ назар ташлашга, нуқсон - камчиликларини тузатишга уринишга ва охир - оқибат ҳақиқат ва кўнгил поклаш ишига камарбаста бўлишга ундайди.

Нурмат Отабек 1955 йил Сайрам туманида туғилган. Тошкент Давлат тиббиёт институтини тамомлаган. Тиббиёт фанлари доктори, профессор.