"Taniqli adabiyotshunos olim Toshtemir Turdievning to‘plab, nashrga tayyorlagan “Denov tafakkur charog‘lari” nomli

qo‘lingizdagi kitobi keyingi bir yarim ming yil davomida bitilgan manbalardan namunalar jamlangan. Kitobdagi mualliflarning hammasi

Denovning muqaddas zamini bilan o‘z taqdirini bog‘lagan insonlar. Kitobga shu mezon asos qilib olingan.
Taqdirning tuhfasini ko‘ringki,

Denovning tuprog‘ini ko‘ziga to‘tiyo qilgan Daqiqiylar – Abdurahmon Jomiydek tariqat olamining buyuk siymolari nazariga tushgan ekan. Shu

munosabat bilan buyuk ustozning “Bo‘ston”idagi ayrim lavhalar ushbu majmuadan munosib o‘rin olgan.
Shoir Mirzo Kenjabekning Hoja

Alouddin Attor va So‘fi Ollohyor haqidagi maqolalari tariqat ilmini anglash, bu ilmning qudrati va sehrini his qilish yo‘lidagi katta

ko‘prik, jozibali vosita darajasidagi bitiklardir.
O‘zbekiston xalq yozuvchisi Tog‘ay Murodning “Men” essesi esa o‘zining noananaviyligi

va ayni paytda rostgo‘yligi bilan diqqatga sazovordir. Muallif o‘z shaxsini zamon va makon sahnasida tadqiq qiladi va g‘animlarga

tashakkur aytadi. Bunday mezon ilohiy tamoyillarning HH asrdagi muhtasham naqshlaridir. Bevosita va bilvosita Denov zaminiga bog‘liq

manbalardan tanlab olingan namunalarni bir jildga to‘plash yo‘lida chekilgan zahmatlar ma’rifat oshiqlarining minnatdorchiligi bilan

mukofotlanishi muqarrar."