IELTS imtihonidan yuqori ball olishni ko'zlaymiz-u, manba-kitoblar kо'pligidan qay biriga ishonishni bilmaymiz. Hatto ayrimlari yo'limizdan chalg'itib, qimmatli vaqtimizni o'g'irlaydi, hafsalamizni о'ldiradi. O'quv markazlari ham turli qo'llanmalarni tavsiya qilib, gohi ikkilantirib qo'yadi. Albatta, til o'rganish qunt, mehnat, sabr-matonat, harakatingiz, maqsadingizga bog'liq. Biroq foydali-kerakli manba hech qachon sizga pand bermaydi.

Uzoq yillik tajriba, pedagoglik faoliyati va tajriba ortidan bir yerga yig'ilgan ushbu lug'at so'z boyligingizni qisqa muddatda oshirib, ko'zlagan natijangizga erishtirmay qo'ymaydi. So'z yodlash davomida duch keladigan qiyinchiliklar – sinonim, antonim, yangi ibora, so'z qo'shilmalari haqida ham mutaxassis batafsil ma'lumotlarni keltirgan. Old va orqa (prefix, suffix) qo'shimchalar haqidagi alohida bob esa birdaniga yuz, minglab so'zni tez, oson o'rganishga ko'maklashadi. Kitob chuqur tadqiqot va izlanishlarga asoslangan bo'lib, o'quvchidan so'zlarni yod olishda ketma-ketlikka rioya etishni talab qiladi.