"Kasb-hunar ta’limi bir-biri bilan o‘zaro chambarchas bog‘liq bo‘lgan ikki qismdan tashkil topadi: nazariy va amaliy kasbiy ta’lim. Mazkur monografiya amaliy kasbiy ta’lim jarayonini tashkil qilishning ilmiy-pedagogik asoslari, amaliy kasbiy ta’limni tashkil qilish, kasbiy ta’limda amaliy laboratoriya mashg‘ulotlarini tashkil qilish va o‘tkazish metodikasi, amaliy kasbiy ta’limda ilg‘or pedagogik tajribalardan foydalanishga
bag‘ishlangan bo‘lib unda kasb-hunar kollejlarida ""Avtomobil yo‘llari, sun’iy inshootlar va aerodromlar qurilishi"" yo‘nalishi bo‘yicha amaliy kasbiy ta’limni tashkil etish va o‘tkazish mazmuni, usullari va vositalari yoritilgan.
Monografiyadan kasb-hunar kollejlarida kasbiy ta’lim tayyorlov yo‘nalishlari bo‘yicha pedagogik faoliyat olib borayotgan ishlab chiqarish ta’limi mutaxassislari, maxsus fanlar o‘qituvchilari, muhandis-pedagoglar (ustalar), oliy ta’lim muassasalaridagi kasb ta’limi fakultetlari hamda pedagog kadrlarni qayta tayyorlash va ularning malakasini oshirish sohasida faoliyat olib borayotgan professor-o‘qituvchilar foydalanishlari mumkin."