Insonning har bir a’zosi, muskuli, nerv va qon tomirlari shu qadar mukammal yaratilganki... Bugungi kunda olimlar ana shunday mukammallikka ega bo‘lgan inson eng kamida 150 yil yashashi kerak degan xulosaga kelishgan. Ammo biz o‘z vujudimiz qadriga o‘zimiz etmaymiz. Turli zararli moddalarni iste’mol qilishdan tashqari sog‘ligimizning yana juda katta dushmani borki, bu harakatsizlikdir. Harakatsizlik inson a’zolarini nerv, qon tomirlariyu muskullarning hayotiy qobiliyatini pasaytiradi, oxir oqibat fojia ro‘y beradi. Shuning uchun ham har bir xalq tarixida qadimdan bunday fojia sodir bo‘lmasligi uchun turli harakatli o‘yinlar, mashqlar yaratilgan. Bularning orasida Hitoy xalq harakatli mashqlari o‘zining foydaliligi bilan ajralib turadi. Muallif ana shunday ezgu mashqlardan biri “Tayszi-syuan” haqida bu kitobni tasnif etib, juda xayrli ishga qo‘l urgan. Va bu shubhasiz, o‘zbek tilida chop etilgan ana shunday kitoblar orasida o‘ziga xos o‘rin tutadi va keksayu yoshlar uchun birdek qadrli bo‘lib qoladi degan umiddaman...