Mazkur o‘quv qo‘llanmada siyosatshunoslik fanining mohiyati, o‘rganish mavzusi, boshqa ijtimoiy fanlar bilan o‘zaro munosabati, ijtimoiy-siyosiy qarashlarning vujudga kelishi va rivojlanishining tarixiy bosqichlari haqida so‘z boradi. XIX asrning ikkinchi yarmi XX asr boshlaridagi ijtimoiy-siyosiy nazariyalar tarixining ba’zi masalalari, rivojlangan mamlakatlarda siyosatshunoslik fanining o‘qitilishi, o‘quv predmeti sifatida shakllanishi, nazariy va amaliy masalalarning yoritilishining o‘ziga xos xususiyatlari tahlil etiladi. Bundan tashqari, Markaziy Osiyoda, xususan hozirgi O‘zbekiston hududida “Avesto” davridan boshlab XX asr boshlarigacha bo‘lgan ijtimoiy-siyosiy va siyosiy-ma’rifiy, siyosiy-axloqiy ta’limotlar tarixi bayon etilgan. O‘quv qo‘llanmaning so‘ngi bobi mustaqil O‘zbekistonda demokratik islohotlarni chuqurlashtirish va fuqarolik jamiyatini rivojlantirish konsepsiyasiga oid ilmiy-nazariy qarashlar, Prezidentimiz I.A.Karimov asarlari hamda boshqa adabiyotlar asosida yoritilgan. O‘quv qo‘llanma oliy o‘quv yurtlari talabalari hamda keng kitobxonlarga mo‘ljallangan.