Endi Siz sotib olgan kitoblaringizni yuklab olishingiz shart emas!
E'tibor bering: hozirda bizning saytimizda sotib olingan elektron kitoblar uchta usulda o'qilishi mumkin:
mobil-ilova orqali, Windows-ilovasi orqali va saytdagi onlayn-o'quvchi orqali. Батафсил -->

Baxtiyor Egamberdiyevich Haydarov

Baxtiyor Egamberdiyevich Haydarov

 

Haydarov Baxtiyor Egamberdievich, 1970 yilning 23 aprelida Qashqadaryo viloyatining Yakkabog‘ tumani, “Sharq yulduzi” kolxozi, Darxon qishlog‘ida tug‘ilgan. Millati - o‘zbek. 1988 yilda Mirzo Ulug‘bek nomli 4-o‘rta maktabni tugatgan. O‘sha yili harbiy xizmatga chaqirilib, Rossiyaning Murmansk oblastida harbiy burchini “katta serjant” unvonida ado etgan. Mehnat faoliyatini 1986 yilda “Sharq yulduzi” kolxozi a’zosi sifatida boshlagan. 1991 yili Toshkent Davlat universitetining jurnalistika fakultetiga o‘qishga kirgan. O‘qish bilan bir vaqtda 1994 yilgacha Chkalov nomidagi Toshkent aviasiya ishlab chiqarish birlashmasida ishchi bo‘lib ishlagan. 1994 yildan 1998 yilgacha “Toshkent oqshomi” gazetasida katta muxbir sifatida faoliyat ko‘rsatgan. 1998 yildan 2011 yilga qadar O‘zbekston Respublikasi bojxona organlarining ma’naviy-ma’rifiy hamda kadrlar tayyorlash tizimlarida xizmat qilgan. Bugungi kunda O‘zbekiston Yozuvchilar uyushmasida mas’ul xodim vazifasida ishlab kelmoqda. “Sohibqironning qilichi” (2002 yil), “Safar oldidan safar” (2008 yil), “Insonnoma” (2011 yil), “O‘zbekchilik” (2012 yil) nomli kitoblari chop etilgan. Respublika matbuotida ma’naviy-ma’rifiy hamda tarixiy mavzulardagi chiqishlari bilan muntazam qatnashib boradi.