Endi Siz sotib olgan kitoblaringizni yuklab olishingiz shart emas!
E'tibor bering: hozirda bizning saytimizda sotib olingan elektron kitoblar uchta usulda o'qilishi mumkin:
mobil-ilova orqali, Windows-ilovasi orqali va saytdagi onlayn-o'quvchi orqali. Батафсил -->

Mirpo‘lat Mirzo

Mirpo‘lat Mirzo

 

Mirpo‘lat MIRZO 1949 yil 20 avgustda Janubiy Qozog‘istonning Sayram qishlog‘ida tug‘ilgan.
U 1973 yili «Guliston» jurnalida e’lon qilingan ilk she’riy turkumi bilan adabiy jamoatchilik nazariga tushadi.
Uning birinchi kitobi 1975 yilda «Tong jilvasi» nomi bilan chop etildi. So‘ng qator she’riy to‘plamlari muxlislar qo‘liga borib etdi.
M.Mirzo she’riyatining jozibasi uning samimiyligidadir. Zotan, shoir tabiatni va inson ko‘nglidagi kechinmalarni o‘ziga xos ohanglarda kuylaydi. Ayni paytda, uning qalb harorati bilan yo‘g‘rilgan she’rlaridan o‘quvchi yangi tuyg‘ular, kutilmagan falsafiy xulosalar kashf etadi.
M. Mirzo tarjima sohasida ham katta ishlar qildi. Uning tarjimasida 300 nafarga yaqin jahonga mashhur shoirlar she’rlari o‘zbek tilida jarangladi. Shuningdek, V. Shekspirning «Yoz tuni g‘aroyibotlari», G. Lessingning «Donishmand Natan» pesalari Milliy teatrimizda sahnalashtirildi.
Mirpo‘lat Mirzo. B. Pasternak nomidagi (Rossiya) va «Alash» nomli (Qozogiston) xalqaro mukofotlar sohibi.