Saytimizdan nafaqat elektron, balki qog'ozli kitoblarga ham buyurtma berishingiz mumkin.
Buyurtmangiz O'zbekiston pochtasi orqali manzilingizga etkaziladi. Do‘kon telefoni: +99871 227-12-39

Endi Siz sotib olgan kitoblaringizni yuklab olishingiz shart emas!
E'tibor bering: hozirda bizning saytimizda sotib olingan elektron kitoblar uchta usulda o'qilishi mumkin:
mobil-ilova orqali, Windows-ilovasi orqali va saytdagi onlayn-o'quvchi orqali. Батафсил -->

Pirimqul Qodirov

Pirimqul Qodirov

 

Pirimqul Qodirov 1928 yil 25 oktyabrda Tojikiston Respublikasining Shahriston tumanidagi Kengko‘l qishlog‘ida tug‘ilgan. O‘rta Osiyo universitetiti (hozirgi O‘zMU)ning Sharqshunoslik fakultetini tugatgan (1951). Dastlabki hikoyasi – “Studentlar” (1951), “Qadrim” (1961), “Erk” (1968), “Meros” (1974), “Akramning sarguzashtlari” (1974), “Yaayra institutga kirmoqchi” (1979), shuningdek, ma’naviy-axloqiy masalalarga bag‘ishlangan “Najot” (“Baxillar va botirlar”, 1980) qissalari nashr etilgan. “Uch ildiz” (1958), “Qora ko‘zlar” (1966), “Olmos kamar” (1976), “Yulduzli tunlar” (1979, ushbu asarning davomi “Avlodlar davoni” 1989), “Ona lochin nidosi” (2000) kabi romanlar muallifi. O‘zbek tili va adabiyotining ilmiy-nazariy masalalariga oid risolalar (“Til va dil”, 1972 va boshqa) hamda 2 jildli “Adabiyot nazariyasi” uchun “Adabiy asarning tili” va “Adabiy jarayon” boblarini yozgan. “Qadrim” qissasi asosida “Sening izlaring” badiiy filmi, “Yulduzli tunlar” romani va “Jon shirin” hikoyasi asosida ko‘p seriyali videofilmlar suratga olingan. Pirimqul Qodirov 2010 yil 21 dekabr kuni Toshkent shahrida vafot etgan.
O‘zbekistonda xizmat ko‘rsatgan madaniyat xodimi (1978). O‘zbekiston Davlat mukofoti laureati (1981). O‘zbekiston xalq yozuvchisi (1988). “El-yurt hurmati” (1998), “Shuhrat” medali (1994), “Buyuk xizmatlari uchun” (2006) ordenlari bilan mukofotlangan.