Mualliflar

G‘oyib Nazar (G‘oyibnazar Ernazarov), 1950-yilda Turkiston tizma tog‘i Oqsuv daryosi bo‘yidagi So‘forkent qishlog‘ida tug‘ilgan. Keng adirlar bag‘rida joylashgan Ko‘chkina qishlog‘ida o‘qib ulg‘aygan. U Xo‘jand Davlat pedagogika institutining til-adabiyot fakultetini 1975-yilda bitirib, o‘rta maktabda dars bergan. Oliy toifali o‘qituvchi. Ijodkor. XX asrning 70 yillaridan O‘zbekiston va Tojikiston matbuotlarida sheʼriy va nasriy asarlari bilan qatnashgan. 1989-1990 yillarda Toshkentdagi “Cho‘lpon” nashriyotida ishlagan. 1993-yildan boshlab Bekobod tumanidagi Zafar qo‘rg‘onida yashab, Bekobod pedagogika bilim yurtida ona tili va adabiyotdan dars bergan. O‘zbekiston Respublikasi Xalq taʼlimi aʼlochisi. G‘oyib Nazarning “Kurtakdagi hayajon”, “Munosabat”, “Muhabbat Marjoni”, “Qanoat” nomli sheʼriy to‘plamlari “Bo‘rilar tashlanmagan tun”, “Yaxshilikning bog‘i” nomli nasriy kitoblari, pedagogika kollejlari talabalari uchun “Boshlang‘ich sinflarda ona tilini o‘qitish uslubiyoti” (2005 y.) o‘quv qo‘llanmasi nashr etilgan. G‘oyib Nazar xozirgi kunda erkin ijod bilan shug‘ullanib kelmoqda.

Alisher Navoiy (1441, 9 fevral-1501, 3 yanvar) ulugʻ oʻzbek va boshqa turkiy xalqlarning shoiri, mutafakkiri va davlat arbobi boʻlgan. Gʻarbda chigʻatoy adabiyotining buyuk vakili deb qaraladi, sharqda "nizomi millati va d-din" (din va millatning nizomi) unvoni bilan ulugʻlanadi.