Mualliflar

1965 yil Qashqadaryo viloiati Kasbi tumani Fazli qishlog'ida tug'ilgan. Qarshi davlat universitetining o'zbek filologiyasi fakultetida tahsil olgan. Qator yillar O'zbekiston milliy teleradiokompaniyasi tizimida faoliyat ko'rsatgan. Hozirda badiiy ijod va tarjima ishlari bilan mashg'ul. "Sirli ishq nolalari" (1995), "Onamning duosi" (2005), "Qutlug' sana ostonasida" (2006) she'riy, nasriy va ocherclar to'plamlari chop etilgan.

Murod Tillaev 1952 yil 4 aprelda Qo‘qon shahrida tug‘ilgan. O‘zbekiston Milliy universiteti jurnalistika fakultetida tahsil olgan. U ko‘plab hajviy asarlar, feleton va sud ocherklarining muallifi. Uning “Moya Dilor”, “Qopqon”, “General Shuhrat Niyozov”, “O‘tkir Hoshimov saboqlari”, “Ajal daryosi”, “Uchar likobcha”, “Qaltis o‘yin”, “Qiyofalar va taqdirlar”, “Nostradamus – bashoratchilar qiroli” nomli qator kitoblari chop etilgan...

Minavarxon Tilyabaeva (Munavvara Tillaboeva) 1944 yil Andijon shahrida tug‘ilgan. 1967 yilda Andijon davlat pedagogika instituti filologiya fakultetini tamomlagan. 1999 yildan O‘zbekiston Yozuvchilar uyushmasi a’zosi. Shoiraning 1994 yilda ilk she’riy to‘plami “Muhabbat tumori” nomi bilan nashrdan chiqqan. Shuningdek, “Munaqqash baytlar”(1995 yil), “Izlaganim sen”(1995 yil), “Oymoma” (1995 yil), “Allali tong”(1996 yil), “Alla sehri” (1997 yil), “Qalb nidolari”(1999 yil), “Zafarjonning qo‘shig‘i” (2000 yil), “Ko‘ngil qatralari” (2005 yil), “Oy to‘lgan kechada”(2006 yil), “Ishq vasfi” (Devon), “Bolam borki”, “Muhabbat bog‘i”, “Olislardan taralar qo‘shiq”, “Ikki qalb saodati”, “Qorboboning sovg‘asi”, “Oppoq tonglar” kabi she’riy va nasriy kitoblari nashr etildi. “Andijon shoir va yozuvchilari”, “So‘z tashrifi” nomli jamoa to‘plamlariga ijod namunalari kiritilgan.