Mualliflar

Pedagogika fanlari nomzodi, dotsent Saliev Xamidullo Xashimjаnovich 1966 yil Andijon shahrida tug‘ilgan. 1984 yilda Andijon davlat pedagogika instituti jismoniy tarbiya yo‘nalishiga o‘qishga qabul qilingan. 1990 yilda Andijon davlat pedagogika instituti Jismoniy tarbiya nazariyasi va metodikasi kafedrasida assistent lavozimida o‘z faoliyatini boshlagan. 1993-1996 yillarda esa Qori Niyoziy nomli Toshkent pedagogika ilmiy tadqiqot instituti aspirantura bo‘limida taxsil olgan. 1997 yil O‘zbekiston davlat jismoniy tarbiya institutidagi ixtisoslashgan kengashda nomzodlik dissertatsiyasini himoya qilgan. 1998 yil Andijon davlat universiteti Jismoniy tarbiyaning nazariy asoslari kafedrasi mudiri etib tayinlangan. 2002 yil 18 martda Jismoniy tarbiya nazariyasi va metodikasi kafedrasi dotsenti unvoni taqdim etilgan. 2002 – 2006 va 2006 – 2010 yillarda Andijon davlat universtiteti ilmiy kengashi qarori bilan Jismoniy tarbiyaning nazariy asoslari kafedrasi mudirligi lavozimlarida ishlagan. 2010 – 2013 yillarda jismoniy madaniyat fakul’teti dekani vazifasida faoliyat olib borgan. Hozirgi kunda Jismoniy tarbiya nazariyasi va metodikasi kafedrasi dotsenti lavozimida ishlab kelmoqda. Saliev Xamidullo Xashimjonovich pedagogik faoliyati davomida 100 dan ortiq ilmiy maqola va tezislar chop ettirgan, 30 ga yaqin uslubiy qo‘llanmalar tayyorlagan. 150 yaqin talabalarning bitiruv malakaviy ishlariga hamda 30 ga yaqin magistrlarning magistrlik disssertatsiyalarini tayyorlashda ilmiy rahbarlik qilgan. Pedagogika fanlari bo‘yicha falsafa doktori (PhD) doktorlik dissertatsiyalariga Rasmiy opponentlik qilgan va tashqi taqrizlar bergan. Shuningdek, mustaqil ilmiy tadqiqotchilar hamda doktorantlarning doktorlik dissertatsiyalariga rahbarlik qilib kelmoqda. Talabalar va magistrlar ta’lim va tarbiya jarayonlarda horijiy mamlakatlar Malayziya, Turkiya, Xitoy va AQSHdan o‘rganib kelgan bilim va tajribalaridan samarali foydalanib kelmoqda.

Salimov O‘tkirjon Shaydullaevich 1985 yil 17 dekabrda Surxondaryo viloyatining Termiz shahrida tug‘ilgan. 2005-yili Termiz davlat universiteti Jismoniy madaniyat fakultetiga o‘qishga kirib, 2011 yil ushbu dargohning magistratura bosqichini tamomlagan. 2012 yilda Termiz davlat universiteti Jismoniy tarbiya nazariyasi va metodikasi kafedrasida assistent lavozimida o‘z faoliyatini boshlagan. Hozirgi kunda Jismoniy tarbiya va sport nazariyasi kafedrasi katta o‘qituvchisi lavozimida ishlab kelmoqda. Salimov O‘tkirjon Shaydullaevich pedagogik faoliyati davomida 30 dan ortiq ilmiy maqolalar va tezislar chop ettirgan.

Республикамизнинг машхур аллерголог олимларидан бири, тиббиёт фанлари доктори, профессор Салимов Эргаш Исмоилович 1937 йилнинг 18 октябридаТошкент шаҳрида туғилган. Профессор Эргаш Салимов тиббиёт фанларига оид 4 та монография, 20 дан оргик ўқув-услубий қўлланма, 100 га яқин илмий мақолалар муаллифи.