Mualliflar

Maxbuba Raximqulova 1975 yil 21 sentyabrda Samarqand viloyati Oqtosh shahrida tug‘ilgan. 1996 yil Samarqand davlat universitetining “Pedagogika va boshlang‘ich ta’lim uslubiyoti” fakultetini tamomlagan. 2000 yilda pedagogika fanlari nomzodi ilmiy darajasi, 2020 yilda dosent ilmiy unvoni va 2019 yilda O‘zbekiston Respublikasi Samarqand viloyati hokimligining “Faxriy yorlig‘i” bilan mukofotlangan. Pedagogika, boshlang‘ich ta’limda ekologik tarbiya va boshlang‘ich ta’lim muammolariga bag‘ishlangan 30 dan ortiq OAK tasarrufidagi respublika va xorijiy ilmiy jurnallarda maqolalar, 2 ta monografiya va qo‘llanmalar muallifi.

Raximov Abdurasul Ravshan o‘g‘li, 2003 yil 18 yanvar kuni Buxoro shahrida tavallud topgan. 2020 yil Buxoro ixtisoslashtirilgan san’at maktabini "Musiqiy-nazariy fanlar va umumiy fortepiano o‘qituvchisi" mutaxassisligi bo‘yicha tamomlab, o‘z ish faoliyatini boshlagan. 2023 yil Buxoro davlat universitetining "Musiqa ta’limi" yo‘nalishini imtiyozli diplom bilan tamomlagan. Bugungi kunda Romitan tumanidagi 1-sonli ixtisoslashtirilgan davlat umumta’lim maktabida musiqa madaniyati fani o‘qituvchisi sifatida faoliyat olib bormoqda. Ta’lim tizimidagi faoliyati davomida 20 ga yaqin ilmiy maqolalari respublika va xalqaro jurnallarda chop etilgan. Shu bilan birga, 10 dan ortiq ilmiy-amaliy anjumanlarda o‘z tezislari bilan ishtirok etgan. Faoliyati mobaynida "Kompozitorlar bolalarga" nomli uslubiy qo‘llanmasi (2021 yil), "Musiqa fanini o‘qitishda zamonaviy pedagogik texnologiyalar va interaktiv metodlar" nomli monografiyasi (2022 yil), "Musiqa to‘garagini tashkil etish" nomli uslubiy qo‘llanmasi (2022 yil) chop etilgan. 2023 yil "Buxoroda bir bastakor bor" nomli O‘zbekiston kompozitorlari va bastakorlari uyushmasi a’zosi Ahmad Haydarov hayoti va ijodiy faoliyatiga bag‘ishlangan risolasi nashrdan chiqdi.