• Кириш
• Витаминлар нима
• Сабзавотлардан салат тайёрлаш техникаси
• Мевалардан салат тайёрлаш техникаси
• Гўшт ва балиқлардан салат тайёрлаш техникаси
• Бошқа маҳсулотлардан салат тайёрлаш техникаси
• Салатлар учун қайла (соус) ва зираворлар
• Асосий сметанали қайла
• Ўсимлик ёғидаги асосий қайла
• Уй майонези
• Хрен (ерқалампир)ли ва сиркали қайла
• Саримсоқпиёзли қайла
• Уй горчицаси
• Хушбўй томат қайласи
• Беҳи шарбати
• Горчица ва экстрагондан тайёрланган қайла
• Рус қайласи
• Сузмали қайла
• Қатиқли қайла
• Полякча қайла
• Сутли қайла
• Голландча қайла
• Сариёғ ва қотган нонли қайла
• Кўкат - салатнинг энг керакли маҳсулоти
• Салатларни безатиш
• Фойдали маслаҳатлар

КИРИШ

“Биз тўғри овқатланамизми?” деган саволга кўпчилигимиз қониқарли жавоб беролмаймиз. Машҳур парҳезшунос, соғлом турмуш тарзи бўйича мутахассис Поль Брэгг биз инсонлар ўзимизнинг овқатланишимиз, ўз саломатлигимиз ҳақида етарли даражада қайғурмаслигимизни қайта-қайта таъкидлайди.

Дарҳақиқат, деярли аксариятимиз шошилиб овқат еймиз, мадомики яхшилаб чайнаб истеъмол қилиш кераклигини олимлар кўп гапирадилар. Ёки чипс, кола, кофе, хот-дог каби енгил таомлар билан қорин тўйдирамиз. Булар аслида зарарли бўлиб, қоринни тўйдиргани билан ҳужайраларни оч қолдиради, зарур витаминлар организмга тушмайди, аксинча, кўпгина холестерин каби чиқиндиларни олиб киради. Ёхуд эрталаб бир пиёла чой, тушликда бирон нарса билан қоринни “алдаб”, кечки овқатда бўкиб еймиз ва ётамиз. Натижада организмимиз қийналади: ҳазм қилиш, моддалар алмашинуви жараёнлари оғир кечади. Ё бўлмаса, қовурилган, қаттиқ қайнатилган таомлар асосий овқатимиздир, мева ва сабзавотлардан деярли воз кечганмиз. Аслида акси бўлиши керак: чой, кофе ўрнига тоза сув, қовурилган овқатлар ўрнига сабзавот ва мевали салатлар истеъмол қилишимиз лозим. Эрталаб яхши овқатланишимиз, тушликда озгина камайтиришимиз, кечда эса умуман емаслигимиз керак (битта олма, битта сабзи, бир стакан қатиқ бўлса майли).

...