• Ақлли йигитларга тузоқ
• Чиройли аёлнинг илтимоси
• Улуғбек шарофати
• Берунийнинг бахт эшиги
• Ипак гиламлар
• Қўнғироқлар фожиаси
• Навоий бир куни...
• Собир Раҳимов

I КЎРИНИШ

Талабалар университет дарвозаси олдида. Университет номи ёзилган тахта.

Лотин ёзувида чала куриниб турибди. Ёзув олдига Одил, Комил,Қ о б и л келишади.

О д и л . Эй, нимасизлар, шунақа тупоймисизлар? Ўша «хўп, хўп» домланинг дарсида ўтириб! Яхшиси, бугун «Рестораншунослик» дарсига бориб, бир ширин бўлиб ўтирамиз. Менинг таклифимга қўшилганлар қўл кўтарсин!

Қ о б и л . Мен! (Қўл қўтаради.)

О д и л . Қобил, сен анча ақллисан. Домладан юз баравар илминг кучли. У ерда юрган тир-тир трактор бўлса, сен юлдузни кўзлаган ракета реактирисан. Сенинг «Рестораншуносликка кириш» таклифинг ўнта магистратура ишига арзийди. Сен кимсану, у ким!

Комил.Мени ҳам ҳисобга қўшларинг.

Одил. Сен Комил комил инсон сан. Энди 2-курс талабаси бўлсанг ҳам ақлинг балога етади. Сен тайёр бакалаврсан.

Қ о б и л . Чет элда бир эртак бор экан:

Бир бор экан, бир йўқ экан,

Бўри бакалавр экан,

Тулки ажабтавр экан,

Қарға қақалавр экан,

Чумчуқ чақалавр экан.

Каптар министр экан,

Читтак магистир экан.

Комил. У ёғи нимабўлар экан?

Қ о б и л . Шу билан эртак тамом бўлар экан.