Руҳий ўзини ўзи бошқариш – ақлий машқ билан шуғулланиш, иқтисод қилинган қувват қўрларини танага қайтариш натижасида инсон нафақат соғломлашади, балки бош мия, барча асаб толаларининг асоратларидан тозаланиши туфайли еттита аcаб марказлари, яъни ҳиндларда чакралар, хитойларда даньтянлар деб аталувчи руҳий марказлар очилади. Оқибатда, ақлий салоҳият ошади, хотира яхшиланиб, янада ойдинлашади, ўқишга, янги билимларни, чет тилларни ўрганишга, ижод қилишга, шеър ёзишга, мусиқа, рассомчиликка мойиллик ортади, ўзини ва ўзгаларни даволовчилик хусусиятлари пайдо бўлади, шунингдек, кўпчилик поклик, озодалик, руҳий тозалик ҳамда жисмоний ва руҳий соғломликка эришади. Руҳий ўзини ўзи бошқаришнинг туб мақсади ҳам руҳий ва жисмоний камолотга эришиш, инсон омилидан жамиятимиз ривожида унумли фойдаланишдир.

Мазкур ўта замонавий китобда сиз тана, ақл ва трансмутациясига тегишли олий даос амалиёти; сизнинг шахсий даволовчи қувватинизни уйғотиш; даосча эзотерик йогани еттита босқичи; ички табассумнинг даволовчиликда қўллаш хусусиятлари бўйича тавсияларни оласиз.