Qadrli bolalar!

Yozuvchimiz Miraziz A’zamning bu kitobini o‘qib chiqsangiz, ming yillik tariximizning turli ko‘chalarini ziyorat qilganday bo‘lasiz. Ulug‘ vatandoshlarimiz Imom Byxoriy, Mahmud Zamahshariy, Amir Temur va Ulug‘bek kabi siymolarning ba’zan kulgili, ba’zan achinarli, ammo ibratli hayot sahifalari ko‘nglingizga o‘rnashib qoladi degan fikrdamiz.

• Maktab sahnasi uchun darslar
• Buxoriy darsi
• Zamahshariy darsi
• Qodiriya qasabasi va Abdulqodirning to‘g‘riso‘zligi
• Qardoshlik yo‘llarida (Yassaviy)
• Temuriylar haqida bahs
• Temur va uning yaqinlari haqida hikoyatlar
• Temur va Mullo Alibek
• Ikki Temur
• Temurning bolaligidagi to‘rt qilig‘i
• Temur va chumoli
• Temur beklarining matonati va sadoqati to‘g‘risida
• Temurning nabirasi Xalil Sultonning bahodirligi to‘g‘risida
• Qahramonlar ham qo‘rqqan
• Temurning nabirasi Ulug‘bekni qanday yaxshi ko‘rgani to‘g‘risida
• Ulug‘bek haqida p’yesalar
• Ota va o‘g‘il Koshiylar
• Ulug‘bek va safdoshlari
• Ulug‘bek va o‘g‘li Abdurahmon
• Ulug‘bekning kulgusi
• Maqolalar
• Ulug‘bekning bolalari
• Ulug‘bekning asarlari
• Baroqxon kim bo‘lgan?
• Ilova
• Fil
• Afandi mergan
• Sadogat

Qatnashuvchilar:

1. Hakim — Litsey o‘quvchisi, 14 yoshda.
2. S a i d — Hakimning sinfdoshi, tengdoshi.
3. Mansur — Hakim va Saidning sinfdoshi, tengdoshi
4. O‘qituvchi — 30 yoshlarda.
5. O‘quvchilar.

BIRINChI KO‘RINISh

Respublikadagi litseylardan birida odatdagi sinf.

Sinfda uch og‘ayni — Hakim, Saidva M a n s u r o‘tirishibdi.

Hakim: — Menga qara, Said, bir narsa hech xayolimdan ketmayapti. Sen nima deb o‘ylaysan: o‘qituvchi bilan o‘quvchi orasidagi munosabatlar qanday bo‘lishi kerak?

Said: — O‘zaro hurmatga asoslangan... Bu hammaga ma‘lum, ming marta aytilib kelgan gapku! Nimasini o‘ylaysan?

Hakim: — Albatta... turgan gap... Ammo men boshqa narsani aytmoqchi ydim. Deylik: o‘qituvchi dars bera turib adashdi... Noto‘g‘ri fikr aytdi. Buni bilmagan bola indamay eshitishi mumkin. Bilgan bola esa, yo fikrni tuzatishi, yo bilaturib indamasligi mumkin. Misol uchun, o‘qituvchini izza qilmay deb, indamaydi... faqat darsdan keyin muallimga sekingina xato qilganini aytadi, deylik... Shu to‘g‘rimi?...