Мазкур ўқув қўлланма кадрлар тайёрлаш бўйича Давлат таълим стандарти ва «Хорижий давлатларда банк иши» фанининг ўқув дастури асосида яратилган.

Ўқув қўлланмада «Хорижий мамлакатларда банк иши» курсида асосий база бўлиб ҳисобланган йирик ва саноати ривожланган давлатлар банк тизимининг тузилиши, ривожланиши, глобал трансмиллий банкларнинг пайдо бўлиш сабаблари, таркибий тузилишидаги ўзига хос томонлар, амалга ошираётган банк операцияларининг турлари, банк иши фаолияти, тўлов тизими ва назоратининг тартибга солиниши, банк ишининг барқарор ривожланиши бўйича давлат сиёсати, банк тизимидаги миллий ислоҳотлар, халқаро молиявий ва иқтисодий инқироз таъсирида юзага келган халқаро ва миллий муаммолар ва уларни юмшатиш борасида йигирмата (О20) саноати ривожланган давлат раҳбарларининг Вашингтон ва Лондон Саммитида ишлаб чиқилган чора-тадбирлари ҳамда алоҳида давлатларда инқирозга қарши курашишда ишлаб чиқилган Давлат дастурларининг иқтисодий ва молиявий самараларини ёритишга ҳаракат килинган.

Шунингдек, ўкув қўлланмада фоизсиз банк тизимига асосланган Ислом банкларининг фаолияти, афзаллиги ва ўзига хос томонлари очиб берилган. Шу билан бир қаторда ЕвроОсиё Иқтисодий Ҳамжамияти (ЕврАзЭС) аъзо давлатларидан бири бўлган Россия Федерацияси банк ва тўлов тизими ҳам атрофлича таҳлил қилинган.