Юртимизда амалга оширилаётган туб ижтимоий-сиёсий, ҳуқуқий ва маънавий ислоҳотлар инсон манфаатларига, айниқса, баркамол авлоднинг интеллектуал етуклигини, ақлий ва аҳлоқий салоҳиятини оширишга хизмат қилмоқда. Зеро, юртбошимиз И.А. Каримов таъбирича, XXI аср интеллектуал ёшлар асридир. Интеллектуал салоҳият эса демократик тараққиёт мезонидир.

Ушбу рисолада Президент И.А. Каримов асарлари ва маърузалари асосида XXI аср интеллектуал бойлик асри, бугунги вояга етаётган авлод интеллектуал салоҳият эгаси эканлиги атрофлича тавсифланган. Жамиятимиз ҳар бир фуқароси, айниқса, баркамол авлод нафақат соғлом, ҳар томонлама етук, ақл-заковатли бўлиши, шунингдек, қунт, матонат билан изланиш фазилатларини ўзида мужассамлаштириши ҳақида фикр юритилган. Шунингдек, интеллектуал салоҳият ҳар бир миллатнинг маданияти, маънавий, миллий, аҳлоқий қадриятлари ва маърифий етуклиги, таълим-тарбия, оила, маҳалла таъсири асосида ривож топишига алоҳида урғу берилган. Бу жараённинг тарихий воқелик сифатида ривож топиши, мустақиллик шароитида тараққиёт асосларидан бирига айлантирилганлиги назарий мулоҳаза ва амалий мисоллар асосида ёритилган.