На нашем сайте Вы можете купить не только электронные книги, но и бумажные книги с почтовой доставкой по Узбекистану!
Телефон книжного магазина: +99871 227-12-39

Вам больше не нужно скачивать каждую купленную книгу!
Внимание: теперь электронные книги, купленные на нашем сайте, можно читать 3 способами:
через мобильное приложение, через windows-приложение и через онлайн-читалку на сайте. Узнать подробнее -->

Муҳаббат симфонияси

Муҳаббат симфонияси
Просмотры, всего:

5598

Автор:

Переводчик:

Миразиз Аъзам

Год издания:

2011

Язык:

Узбекский (кир)

Страницы:

242

Издательство:

Ғафур Ғулом

Номер ISBN:

978-9943-03-372-6

Читать отрывок
Электронная книга (3,2Mb) :

7800 сум

Купить

Рейтинг посетителей

  • Аннотация
  • Отрывок из книги
  • Комментарии и отзывы
Улуғ турк ёзувчиси Рашод Нури Гунтекин 1925 йилда ёзилган “Муҳаббат симфонияси” (“Дудоқдан қалбга”) романида турли социал қатламлардан чиққан қаҳрамонларнинг яшаш тарзларини кўрсатаркан, даврнинг ижтимоий-сиёсий шароитини ҳам эътибордан четда қолдирмайди. Миллий анъаналар ва янгиликлар билан таништиришдан ташқари, умуминсоний муаммоларни ҳам бениҳоя гўзал тасвирлар билан жонлантиради, ёлғонсиз ва самимий маънолари билан кенг омма қалбига киради. Илк романи “Чолиқуши”да бўлгани каби, бу асарда ҳам қаҳрамонларнинг ҳиссий тўлқинлари, умидсиз яшаш манзараларини усталик билан таҳлил этади, ўқувчини роман қаҳрамонлари Ламиа билан Ҳусайн Канон кетидан бир Истанбулга, бир Измирга, Кутаҳйа ва Бўзёқанинг бетакрор манзарали боғларига етаклайди. Китобхон қаҳрамонларнинг теран ва мураккаб муҳаббатлари қиссасини то китобнинг сўнгги саҳифасигача катта ҳаяжон билан ўқиши ҳар қандай шубҳадан холидир.
Биринчи қисм
I

Мезбон меҳмонхонанинг пешайвонга очилган эшигидан меҳмонига сасланди:

- Пошо, сен бу гўзал ойдинга қараганча ноз уйқуга чўммоқчига ўхшайсан... Қани бир дақиқа жонингни қийнаб буёққа чиқ...

Ялпайган оромкурсида емак-ичмакнинг оғирлиги ва йўл чарчоғидан бўшашиб қолган шаҳшода Вафиқ Пошо инқиллаб-синқиллаб кўзларини очди, ҳорғин бир ялиниш оҳангида:

- Ортиқча мулозамат... бу, дейман, менга яна бир овқат едирмоқчисан шекилли...-деди.

Мунир Бей оҳиста-оҳиста унга яқинлашиб жавоб берди:

- Бу галгиси бошқача зиёфат...Ҳозирги ёшларнинг таъбирича “кўзлар учун бадиий зиёфат...” Бундай қилмасликка тоқатим етмади. Нозик дидли меҳмонларим учун боғимдаги ранг-баранг узум навларидан ва айниқса антиқаларидан бир ажойиб кўргазма қурдим. Бир бор узум едирсам севинганимдан ёрилиб ўламан. Буям бир таклиф-да, пошом. Менинг кўргазмам қориндан, томоқдан зиёда кўзларнинг завқи учун....- Мунир Бей эски оғайнисини ўз ҳолига қўймас, уни туришга мажбур қилиш учун оромкурсини сал-сал силкитар эди. Вафиқ Пошо ҳолсиз-ҳолсиз жойидан турди. Минора-уйнинг атрофини тўрт тарафдан ўраб олган соябонли пешай-вон бошдан-охиригача чордоқлар билан қопланган эди. Ой шуъласи осма шохларини тарар, япроқларнинг, узум бошларининг катталашган соялари билан тўшама тошларга бир эртак нақшларини чизарди.

...

Добавить комментарий
Нет комментариев и отзывов. Станьте первым!