Ушбу дарслик 5522200 — "Телекоммуникация" ва 5522000 — "Радиотехника" йўналишларининг ўқув режаси асосида ёзилган. Дарсликда "Радиотехник тизимлар назарияси асослари" курсининг биринчи қисмига доир радиотехник тизимларда сигнал узатишнинг умумий маълумотлари ва дискрет сигналларни узатиш услублари баён этилган бўлиб, бу услублар Абу Райҳон Беруний номидаги ТДТУ ва Акмал Икромов номидаги ТТЙМИ аудиторияларида синовдан ўтган.
Дарслик олий техника ўқув юртларининг "Телекоммуникация" ва "Радиотехника" ихтисоси бўйича таълим олувчи талабаларга мўлжалланган бўлиб, ундан алоқа, авиасозлик, транспорт ипститутларининг талабалари ва мазкур фан ўқитувчилари ҳам фойдаланишлари мумкин.

• Сўз боши
• Кириш
• Радиотехник тизимларда сигналларни узатишнинг умумий маълумотлари
• Умумий тасниф ва синфлари
• Сигналларнинг статистик таснифлари
• Сигналларнинг асосий таснифлари
• Радиотехник тизимларда сигнал узатишдаги халақитлар
• Радиотехник тизимларда сигиал узатишнинг асосий таснифлари
• Радиоалоқа тизимидаги муҳандислик ҳисоби
• Дискрет сигналларни узатиш ва қабул қилиш услублари
• Дискрет сигналлар маибаларининг ахборий тавсифи
• Дискрет каналнинг сигнал ўтказиш қобилияти
• Ўзгармас параметрли каналларда дискрет сигналларни оптимал қабул қилиш
• Сигналларни когерент қабул қилиш
• Сигналларни нокогерент қабул қилиш
• Ўзгармас ўлчамли каналларда иккиланган сигналларни қабул қилишнинг амалий усуллари
• Амплитудаси модуляцияланган иккиланган сигналларни нокогерент қабул қилиш
• Частотаси модуляцияланган сигналларни нокогерент қабул қилиш
• Фаза манипуляцияланган сигналларни қабул қилиш
• Нисбий фаза бўйича манипуляцияланган сигналлар ёрдамида маълумотларни узатувчи тизимлар
• Тасодифий параметрли капалларда сигналларни қабул қилиш
• Каналлар тавсифи
• Иккиланган флуктрлашган сигналларни якка қабул қилиш
• Сигналларни қабул қилишда фарқлаш усули
• Узлуксиз ахборотларни узатиш ва қабул қилиш усуллари
• Узлуксиз ахборотлар манбаининг информацион таснифлари
• Узлуксиз ахбротлар узатишда каналнинг ўтказувчанлик хусусияти
• Узлуксиз ахборотларни оптимал қабул қилиш усуллари
• Сигналларни когерент қабул қилиш
• Амплитудали модуляция сигналини квазикогерент қабул қилиш
• Сигналларни нокогерент қабул қилиш
• Нормал ва аномал хатоликлар
• Тизимнинг эффективлик кўрсаткичи
• Импульсли модуляция тизимлари
• Узлуксиз ахборотларни рақамли услубларда узатиш ва қабул қилиш
• Импульс-кодли модуляция тизими
• Аввалдан айтиш мумкин бўлган кодлашни қўлловчи тизимлар
• Адабиётлар

КИРИШ

Радиотехник тизимлар сигналларни радиотўлқинлари ёрдамида ажратиб олиш ва барбод қилиш синфига мансубдир.

Радиотехник тизимлар қуйидаги хусусиятларга эга — антеннали радиотўлқин манбаига эга бўлган радиоканалнинг мавжудлиги (битта ёки бир нечта), радиотўлқин тарқалаётган муҳитлар ва қабул қилгич, радиотўлқинларга қайта ишлов бериб, улардан сигнал ажратиб олиш. У ёки бу сигналларни радиотўлқин ёрдамида узатувчи радиотўлқинларга радиосигналлар дейилади. Демак, радиотизимларнинг характерли хусусиятларидан бири — сигналларни узатиб беришда радиосигналлардан фойдаланишдир. Сигналларнинг тайинланиши радиотизимларнинг белгиларидан бири ҳисобланади. Радиотизимлар ушбу белгилари бўйича: узатиш, ажратиб олиш, бузиш (халақитни ташкил этиш) ва радиобошқариш тизимларига бўлинади. Ушбу гуруҳлар ўз навбатида, тизимларнинг функционал вазифалари билан ажралиб туради. Масалан, сигналларни узатиш тизимида радиоалоқа (бир каналли, кўп каналли, радиорелели ёки Ер сунъий йўлдоши орқали), телеметрияли, буйруқ узатиш, радиоэшиттириш ва телевидениелардир.

Сигналларни ажратиб олиш тизимига радиолокацион ва радионавигацион тизимлар, радиоастрономия, Ер сатҳининг ёки бошқа планеталарни радиокузатиш, душман томонидаги радиотехник радиокузатишлар киради.

Сигнални бузиш (халақитни ташкил этиш) тизимлари ёрдамида душман томонидаги радиотизимларда сигналларни аниқлаб бўлмайди.

...