Ушбу илмий-услубий қўлланма А-1-121 сонли “Олий таълим муассасаси фанининг Республика инновацион тизими билан интеграциялашуви механизмини яратиш” мавзусидаги грант доирасида Ўзбекистон Республикаси олий ва ўрта махсус таълим вазирлигининг олий таълим муассасаларида “Олий таълим муассасаси, фан ва ишлаб чиқаришнинг инновацион корпоратив ҳамкорлигини ташкил этиш”га оид буйруқ ва кўрсатмаларида белгиланган вазифалардан келиб чиққан ҳолда, олий таълим муассасалари, улар таркибидаги мутахассислик кафедралари ихтисосликларига мос ишлаб чиқариш (хизмат кўрсатиш ва ҳ.к.) корхоналари, таълим, академик фан тармоқларига мансуб муассаса ва ташкилотлар билан инновацион корпоратив ҳамкорликни йўлга қўйишига айрим тавсияларни бериш мақсадида тайёрланди.

Илмий-услубий қўлланма соҳа инновацион корпоратив ҳамкорлигини самарали ташкил этиш борасидаги фикр-мулоҳазалар, инновацияларнинг фалсафий моҳияти, ворисийлиги, инновацион жараёнларнинг жадаллашувида уларни яратувчи ва ушбу фаолиятни фан ёки олий таълим муассасасида мувофиқлаштирувчи тузилмалар, улар фаолияти билан боғлиқ ўқув-илмий марказлар, ўқув-илмий комплексларнинг ўрни, таълим, фан ва амалиётнинг узвийлиги ва узлуксизлигида ички ҳамда ташқи интеграциялашув билан боғлаб таҳлил этилган.