Ушбу китоб – дунёқарашингизни ўзгартирувчи, комилликка элтувчи, ҳаётингизни ижобий томонга етакловчи буюк қудратга эга бўлган, ХХI асрнинг энг зарур илми ҳисобланган ўқишнинг ноанъанавий усулларини ўрганишга бағишланган ўзбек тилида чоп этилаётган илк нашрдир.

Ўқиш тезлиги ва уқиш даражасини оширишга ўзида куч ва имконият топмаган, ўқишни азоб-уқубатдан роҳатланиш даражасига қадар ўзгартира олмаган ҳар қандай инсон, у мактаб ўқувчисими ёки академик, ишчими ёки министр бўлишидан қатъий назар ўз касбининг ҳақиқий ва чин маънодаги моҳир устаси бўла олмайди.

Ўқишнинг шарофати билан сиз ҳаётда улкан улушга эга бўласиз, билим бу қудрат демак. Эгаллаган билимларингиз ичида ўқиш маҳоратидан бошқа биронтаси ҳам сизга катта маблағ ишлаб топиш, ҳузур-ҳаловатга эга бўлиш ва умуман тўлақонли яшашингизга хисса қўша олмайди.

Китобда, ўқишни ўзи нима, тез ўқиш меъёрлари қандай, тез ўқиш ва уқишнинг зарурияти, тез ўқувчи алломалар, замонамизнинг тез ўқиш бўйича чемпионлари, тез ўқиш ва уқиш усуллари ҳақида қизиқарли ҳикоя қилиш билан бирга, тез ўқиш ва уқишимизга халақит қилувчи омиллар ва бу омилларни бартараф этишнинг самарали усуллари ҳақида батафсил ёритилган.

Ушбу китоб, тез ўқиш ва уқишни ўрганиш, ўқиганларини хотирада узоқ муддат сақлашни истовчи ҳар бир инсон учун дастур ул-амал бўлиб хизмат қилади.