Ўрта асрларда «Сийрат ал-авлиё», «Силсилат ал-авлиё» каби туркумдаги қатор асарлар яратилган. Уларда ўз даврида халқ орасида мўьтабар саналиб, «валий» даражасига эришган зотларнинг таржимаи ҳоли ва уларнинг ҳаёт йўллари ёритилган. Хусусан, буюк аллома ал-Ҳаким ат-Термизий қаламига мансуб «Валийлар ҳаёт йўли» («Сийрат ал-авлиё») асарида валийлар турмуш тарзи, қалби ва нафсини поклашда эътибор қаратиши зарур бўлган муҳим ахлоқий-фалсафий ва тасаввуфий-ирфоний масалалар ҳақида баҳс юритади. У ўз асарида валийлар фаолиятининг асл мазмун-моҳияти, ундаги зоҳирий ва ботиний ҳолатларни очиб беришга интилганини кўришимиз мумкин.

Ал-Ҳаким ат-Термизий қаламига мансуб «Валийлар ҳаёт йўли» («Сийрат ал-авлиё») асарининг араб тилидан таржимаси ўзбек китобхонларига илк маротаба тақдим этилмоқда. Ушбу асар таржимаси, илмий изоҳлари, кўрсаткичлари билан нашрга тайёрланди.

Мазкур нашр «А-1-252 Термизлик алломалар илмий меросини тадқиқ этиш, асарларини таржима қилши ва нашр этиш» амалий гранти доирасида амалга оширилди.