Publisist, mohiyatan, o‘z zamonasining tarixchisi hamdir. U jonli hayot lavhalarini aks ettirar ekan, bu yumishi bilan davrini kelajakka muhrlaydi, taassurotlarini o‘tmish tajribalari bilan muqoyasa qilish orqali esa vaqtning uch mezoni: kecha, bugun, ertani bir nuqtaga jamlaydi. Majmuada xuddi shu tamoyil asosida yaratilag badialar to‘plangan. Taniqli yozuvchi - publisist Hakim Sattoriy xalqimiz tarixining keskin (balki o‘ta keskin) burilish davri - 1987-2008 yillar orasidagi voqealarning ichida yashab, ularni qalamga olganda hamma narsani o‘z nomi bilan atashaga, voqelikni xolis va to‘liq aks ettirishga intilgan. Hayotning jajji unsurlari sharhidan yirik xulosalargacha davom etadigan tasvir qamrovi kitobxonda aniq va yorqin taassurot hosil qiladi. Hususan, mustaqillik arafasida yuzaga kelgan tahlikali vaziyat hayotda jiddiy o‘zgarish yuz berishi tayinligidan xabar beradi. Bular haqida kitobda mahorat bilan hikoya qilinadi. "Vaqt manzaralari" oldin nashr etilgan "Imzoli xatlar" (2007) va "Mahak toshi" (2008) majmualarini xotimlaydi.