Авторы

Ортиқбой Абдуллаев 1943 йил 22 майда Тошкент вилоятининг Хумсон қишлоғида туғилган. 1966 йили ТошДУ (ҳозирги ЎзМУ) нинг филология факультетини битирган. Мактабда она тили ва адабиёти ўқитувчиси, “Ўзбекистон маданияти” (ҳозирги “Ўзбекистон адабиёти ва санъати”) газетасида, “Ўзбекистон овози”, “Меҳнат ва турмуш”, “Шарқ юлдузи”, “Жаҳон адабиёти” журнали, “Ўқитувчи” нашриётида бўлим мудири, “Чўлпон” нашриётида Бош муҳаррир лавозимида ишлаган. “Ўзбекистонда хизмат кўрсатган маданият ходими” унвонига сазовор бўлган. Филология фанлари номзоди, 1980 йилдан Ўзбекистон Ёзувчилар уюшмаси аъзоси... “Шеъриятнинг тиниқ осмони” (1979), “Ижоднинг қўш қаноти” (ҳаммуаллиф), (1981), “Қалбга очилган йўл” (1986), “Туркистоннинг қора кунлари” (2002), “Она Ватан фидойилари” (2004, 2012) китоблари нашр этилган. Василий Яннинг “Қўрғон узра гулханлар”, Нажиб Маҳфузнинг “Раққоса Радонис”, Астуриаснинг “Сеньор президент” романлари, Лев Толстойнинг “Дилномалар, Хотиралар”ни таржима қилган. 300дан ортиқ адабий-танқидий мақолалари, тарихий бадиалари, (Оташин шоир Мақсуд Шайхзода ижоди ҳақидаги) долзарб мақолалари босилган.

1942 йилда Самарқанд вилояти, Нурато туманининг Ғозғон қишлоғида таваллуд топган. 1968 йили Тошкент Халқ Хўжалиги институти (бугунги ТДИУ)ни имтиёзли диплом билан тугатиб, ўз меҳнат фаолиятини шу даргоҳда оддий ўқитувчиликдан бошлаб (1968), Москва иқтисод статистика институти аспиранти (1972-1974), фан номзоди (1974), “Статистика” кафедраси доценти (1980-1986) вазифасида ўз фаолиятини давом эттирган. 1983-1985 йилларда МЭСИ докторанти, 1985-1991 йилларда ТХХИ “Ҳисоб-иқтисод факултети”нинг декани, 1987 йилда МЭСИда “Регионал иқтисодиёт самарадорлиги статистикасидаги муаммолар” мавзусида докторлик диссертациясини ёқлаган, профессор (1987), 1991 йил июл ойидан бошлаб Тошкент Молия институти (ТМИ)да ўқув ишлар бўйича, 1997-2011 йилларда эса илмий ишлар бўйича ректор муовуни лавозимида ишлаган. 1992 йилда унга “Ўзбекистонда хизмат кўрсатган фан арбоби” унвони берилган. Ё.Абдуллаев статистика муаммолари бўйича 5 та монография, 7 та дарслик, 50 тадан ортиқ ўқув ва ўқув-услубий қўлланмалар, илмий мақолалар чоп этган. 5 нафар фан доктори ва ўттиздан ортиқ фан номзодларини тайёрлаган. Унинг раҳбарлигида 1 нафар аспирант, 1 нафар магистрант, икки нафар бакалавр Президенти совриндори бўлган. У қатор туркум китоблар муаллифи. Хусусан: “Талаба рейтинги”, “Кафедра ва кафедра ўқитувчиси рейтинги”, “Факултет ва факултет декани рейтинги”, “Институт рейтинги”ни аниқлаш услубиётини ишлаб чиққан (1991-1995). У “Бозор иқтисодиёти асослари”га бағишлаб “100 саволга 100 жавоб”дан иборат 30 тага яқин илмий-оммабоп туркум (“Пул”, “Кредит”, “Қимматли қоғозлар”, “Менежмент”, “Банк иши”, “Статистика”, “Иқтисодий таҳлил”, “Кичик бизнес ва тадбиркорлик асослари” ва ҳ.к.), шунингдек, меъмуар жанрига хос “Одамий эрсанг...”, “Статистика илмининг фидоийси”, “Камтарин инсон”, “Сермазмун умр соҳиби”, “Ибратли умр”, “Мухандислик илмининг фидоийси”, “Инноватор аллома” каби “Фидоий кишилар ҳаётидан” номли туркум асарлар муаллифи. У 2005 йилда чоп этган “Қизиқарли статистика ёхуд Рақамлар тилга кирганда” номли маърифий-маънавий, фалсафий ва илмий-оммабоп асари билан ҳам ўзбек китобхонларига кенг танилган. Бугунги кунда У “Осуда яшашнинг 99 сири” номли 99 китобдан иборат туркумни нашрга тайёрлаш билан машғул.

Абдуллаев Рустамбек Самигович родился в Ташкенте 1947 году. В 1970 году окончил Ташкентскую государственную консерваторию по специальности музыковедение. Заслуженный деятель искусств Республики Узбекистан, доктор искусствоведения, профессор, заведующий отделом “Фольклор и современная музыка” НИИ искусствознания Академии Художеств Узбекистана, член Союза композиторов Узбекистана, более 35 лет занимается преподавательской деятельностью в Государственной консерватории Узбекистана и фольклорно-экспедиционной работой. Основная сфера его научных интересов связана с изучением различных аспектов музыкальной культуры народов Центральной Азии - традиционная музыка, композиторское творчество, массовая музыкальная культура, исполнительство, музыкальная критика. Автор ряда монографий, учебных пособий и свыше 150 научных статей, опубликованных в Ташкенте, Москве, Баку, Алматы, Душанбе, а также в Корее, Японии и США. Один из инициаторов проведения Открытого фольклорного фестиваля “Бойсун бахори” (2002-2005 гг.). Руководитель научных экспедиций “Бойсун” (2003-2004 гг.) и “Шашмаком” (2005-2006 гг.) по линии ЮНЕСКО. Участник ряда Международных научных конференций и семинаров.