Silk Road Publishing (M) * (Китоб дукони)

“SILK ROAD PUBLISHING” нашриёти 2018 йилдан ноширлик фаолияти билан шуғулланиб келмоқда. Нашриётда асосан, маърифий-маданий, илмий-оммабоп, адабий-бадиий, ижтимоий-публицистик йўналишдаги адабиётлар нашр этилади. Нашриёт жамоасида дунёқараши кенг, замон билан ҳамнафас фикрлайдиган 10 га яқин ёш истеъдодли мутахассислар, ҳамда штатдан ташқари таржимонлар жамоаси, четдан таклиф этилган маслаҳатчи мутахассислар фаолият олиб бормоқда. Нашриётда йилига 15 дан ортиқ номдаги китоблар ўзбек, рус, инглиз ва хитой тилларида чоп этилади. Бугунга келиб нашр этилган китобларнинг адади 50 000 нусхани ташкил этди. Нашриёт сифат ва мазмун уйғунлигини шиор қилган ҳолда фаолият олиб бориши мунтазам равишда ўз натижасини бериб келмоқда. Нашриёт шу оз фурсат ичида чет элда 2 та ваколатхона очди. “SILK ROAD PUBLISHING” нашриёти 2018 йилдан бошлаб ноширлик фаолияти билан шуғулланиб келмоқда. Нашриётда асосан маърифий-маданий, илмий-оммабоп, адабий-бадиий ва ижтимоий-публицистик йўналишдаги адабиётлар чоп этилади. Нашриёт жамоасида дунёқараши кенг, замон билан ҳамнафас фикрлайдиган 10 га яқин ёш истеъдодли мутахассислар ҳамда штатдан ташқари таржимонлар жамоаси, четдан таклиф этилган маслаҳатчи мутахассислар фаолият олиб бормоқда. Нашриётда йилига 15 дан ортиқ номдаги китоблар ўзбек, рус, инглиз ва хитой тилларида чоп этилади. Бугунга келиб нашр этилган китобларнинг адади 50 000 нусхага етди. Нашриёт сифат ва мазмун уйғунлигини шиор қилган ҳолда иш олиб бориши мунтазам равишда ўз натижасини бериб келмоқда. Нашриёт шундай оз фурсат ичида чет элда 2 ваколатхона очди. Шунингдек, “SILK ROAD PUBLISHING” нашриёти Хитой Халқ Республикасининг йирик нашриёт ва муаллифлари билан таржима асарлар чоп этиш борасида яқиндан ҳамкорлик юритиб келмоқда. Хитойнинг B&R Book Program, China Classics International, BIBF, Буюк ипак йўли кутубхонаси каби лойиҳалари доирасида китоблар чоп этиб келмоқда. Нашриётнинг халқаро лойиҳалардаги иштироки The Commercial Press, Duzhe Press, Shandong Science and Technology Press, Shanghai Scientific & Technical Publishers каби нашриётларнинг олқишига сазовор бўлди. Жорий йил сентябрда Самарқанд шаҳрида ўтган Шанхай ҳамкорлик ташкилотининг саммити чоғида “SILK ROAD PUBLISHING” нашриётида чоп этилган асарлар янги беш юлдузли меҳмонхоналарда делегация аъзоларига тақдим қилинди. Хоссатан, Хитой Халқ Республикасининг Европа Иттифоқидаги элчиси Ван Ивэй қаламига мансуб, “Бир макон, бир йўл” ташаббусига бағишланган “Сквозной мир” асари катта қизиқишга сабаб бўлди. “Жэнмин жибао” рўзномасининг 2022 йил 24 сентябрь сонида нашриёт фаолиятига доир мақола чоп этилиб, унда “SILK ROAD PUBLISHING” нашриётининг икки мамлакат ўртасида маданий алоқалар ўрнатиш йўлида олиб бораётган ишлари юксак баҳоланди. Нашриёт таржима асарлар чоп этиш баробарида ўзбек адабиёти дурдоналарини чет тилларга ўгириш, бошқа мамлакатларда уларнинг тақдимотларини уюштириш билан ҳам шуғулланади. Ҳозир Абдулла Қодирий, Ўткир Ҳошимов каби таниқли адибларимиз асарлари хитой тилига таржима қилинмоқда. “SILK ROAD PUBLISHING” нашриёти келгусида таржима асарлар сонини йилига ўртача 100 тага етказиб, бунда ўзбек асарларининг чет тилларга таржимаси улушини ошириб боришни ўз олдига асосий мақсад қилган ва бу борада қатор лойиҳалар ишлаб чиққан. “SILK ROAD PUBLISHING” нашриёти бугунги кунда муаллифлик ҳуқуқи дахлсизлигига катта урғу берган ҳолда, ҳуқуқбузарлик, китобларни рухсатсиз таржима қилиш ва чоп этиш, электрон шаклларини тарқатишни қаттиқ қоралайди. Шу боисдан ҳам рақобат нотенглигига қарамай, муаллифлик ҳуқуқларини қонун доирасида шартнома асосида харид қилишни давом эттирмоқда. Тажрибали таржимонлар жамоаси, дизайнерлар, чет мамлакатлар билан мустаҳкам алоқалар, муаллиф ҳуқуқлари борасида хорижий ёзувчилар уюшмалари билан ҳамкорлик – нашриётнинг кучли томонлари дея эътироф этиш мумкин.