"Bobur nomidagi xalqaro ilmiy ekspedisiya Temuriylar, Zahiriddin Muhammad Bobur va uning hukumdor, ijodkor avlodlari

qoldirgan boy ilmiy, tarixiy, badiiy meroslarni chuqurroq o‘rganish maqsadida qilgan safarlari mobaynida Osiyo va Afrika qit’alaridagi

ko‘plab mamlakat va yurtlarni kezib chiqdi.
Ekspedisiya azosi, shoir va adib, publisist Qamchibek Kenjaning “Hind sorig‘a” deb nomlangan

asarida ana shunday safarlardan biri haqida maroqli hikoya qilingan edi. Ushbu kitob o‘sha safarnomaning mantiqiy davomi bo‘lib, unda

Qirg‘iziston, Hitoy (Qashqar), Pokiston, Hindiston, Bangladesh, Eron va Turkmaniston mamlakatlarining o‘ziga xos tabiati, odamlarning

yashash tarzlari, turfa odatlar, safar davomidagi mashaqqatlar va boshqa sarguzashtlar o‘z ifodasini topgan. Ayni vaqtda Boburiylar xayoti

va janglari bilan bog‘liq shahar hamda kentlarning tarixi va hozirgi, boburiy podshohlar yaratgan mo‘’jizaviy obidalar, bog‘lar nasru

nazmda xayrat va hayajon bilan tasvirlanadi."