Ushbu kitob Yaponiyaning Aichi viloyati Inuyama shahrida joylashgan Nagoya iqtisodiyot universiteti tomonidan ajratilgan ilm-fanni rivojiantirishga oid "O'rta Osiyo va Mo'g'uliston bo'yicha qiyosiy huquq sohasidagi ta'lim va taraqqiyot granti" asosida chop etildi.

Ushbu kitobni chop etishda hamkorlik qilgani uchun Toshkent davlat yuridik universiteti "Xalqaro huquq va inson huquqlari" kafedrasiga alohida minnatdorchilik bildiriladi.

Ta'lim - har qanday davlat tarraqqiyotining asosiy poydevori hisoblanadi. Samarali va zamonaviy ta'lim tizimisiz hech bir mamlakat rivojlana olmaydi.

Bugungi kunda O'zbekistonda amalga oshirilayotgan islohotlarning ustuvor yo'nalishi - kadrlar tayyorlash hamda ta'lim sohasida olib borilayotgan yangilanishlardir.

Ushbu yo'nalishdagi islohotlardan ko'zlangan asosiy maqsad - mamlakatni modernizatsiya qilish, ijtimoiy-iqtisodiy jihatdan barqaror rivojlantirish uchun yuqori malakali kadrlar tayyorlash sifatini oshirish, inson kapitalini mehnat bozori talablari asosida rivojlantirishdan iborat.