Ватанимиз Ўзбекистон Россиянинг қарийб бир ярим асрлик мустамлака зулмидан озод бўлганига чорак аср тўлмоқда. Бу даврда беҳад катта ва улуғвор тарихий ҳодиса юз берди. Қадимдан дунёга машҳур бўлган давлатчилигимиз замонавий асосда қайта тикланиб, жаҳонга янгитдан танилди. Ватанимиз равнақи Ўзбекистоннинг биринчи Президенти Ислом Каримовнинг миллий мустақиллик ва тараққиёт йўли — «ўзбек модели» асосида амалга ошиб, такомил топмоқда.
Мазкур монографик асарда шу тарихий йўл — моделнинг яратилиши тарихи, ижтимоий-маданий ҳаётда тутган ўрни илк бор тадқиқ этилди.
Китоб тарихчи ва жамиятшунос олимлар, илмий тадқиқотчи ва талабалар, давлат ва жамият бошқаруви раҳбар кадрларига мўлжалланган.

«Ўзбек модели» — барқарор тараққиёт, фаровонлик ва ҳамкорликнинг умуммиллий стратегик дастури (Сўзбоши ўрнида)

Муқаддима

I бўлим. Методология ва инновация — тараққиёт ўзаги

1. Методология — инсоний фаолиятни тараққиётга йўналтирунчи компас
2. Коммунистик методология ва унинг ҳозирги асоратлари
3. Иннонация — янгиланиш ва тараққиёт асоси

II бўлим. Миллий мустақилликка эришишнинг ўзбек модели

1. Умуммиллий ва глобал инновацион методологик таълимот
2. Мустақиллик — миллат иқболи
3. «Ўзбек модели»нинг тарихий-маънаний илдизлари

III бўлим. Миллий мустақил тараққиётнинг ўзбек модели

1. Тараққиётимизнинг халқаро эътирофлари
2. «Ўзбек модели»нинг методологик асослари
3. Диний ва дунёвий мўътадиллик — тараққиёт қонуни

IV бўлим. «Ўзбек модели» ва Ўзбекистон тарихи фани

1. «Ўзбек модели» — тарих фани янгиланишининг метододогик омили
2. Тарих тадқиқотининг янги метододогик мезонлари
3. Миллий олий тарихий таълим қарор-топишидаги муаммолар

Хулоса

Илова: Ислом Каримовнинг тарих, муаррих ва тарих фанига оид методологик фикрларидан намуналар

Фойдаланилган адабиётлар

Муаллиф ҳақида

Ўзбекистон ўз давлат мустақиллигини эълон қилиб, тарихий тараққиётнинг янги босқичига қадам қўйган давр мобайнида босиб ўтган мураккаб, айни пайтда залворли одимларига назар ташлар эканмиз, Ватанимиз озодлиги нақадар машаққатли ва тинимсиз курашлар, халқимизнинг оғир ва фидокорона меҳнати эвазига қўлга киритилгани, мустақил тараққиётимиз давомида амалга оширган эзгу ишларимиз, эришган натижаларимиз беихтиёр кўз ўнгимиздан ўтади. Бу ҳақда гапирганда, аввало мустақилликнинг дастлабки йилларида юртимизда қандай оғир вазият ҳукм сурганини ёдга олишга тўғри келади. Собиқ совет тизими қатъий марказлаштирилган ҳолда режалаштириш ва тақсимлаш усулига асосланган эди. Ғоят улкан табиий, минерал- хомашё ва меҳнат ресурсларига, инсоний салоҳиятга эга бўлишига қарамай, Ўзбекистон собиқ иттифоқда аҳолининг турмуш даражаси, ижтимоий ва гуманитар соҳалар ривожи бўйича охирги ўринлардан бирида турар эди. Давлатимиз раҳбари томонидан ана шу ҳолатларнинг барчаси эътиборга олиниб, мустақилликнинг илк кунларидан бошлаб дунё тажрибасини ҳар томонлама ўрганиш асосида мамлакатимизда ижтимоий йўналтирилган бозор иқтисодиётига асосланган очиқ демократик ҳуқуқий давлат барпо этиш ва адолатли фуқаролик жамиятини шакллантириш дастури ишлаб чиқилди ва амалга оширила бошланди. Унда миллий урф-одатларимизни ва анъаналаримизни асраб-авайлаш ва янада мустаҳкамлаш, умумбашарий қадриятларга ҳурмат билан муносабатда бўлиш орқали Ўзбекистоннинг жаҳон ҳамжамияти билан уйғун ривожланишига алоҳида эътибор қаратилди.

...