Mamlakatimizda ta’lim jarayonining potensial imkoniyatlarini yuzaga chiqarish maqsadida zamonaviy pedagogik texnologiyalarni ta’lim amaliyotiga tatbiq etish bosqichi davom etmoqda. Bu borada qilingan sa’y harakatlarning eng samaralisi Bo‘ri Ziyomuhammadov va Mamarejab Tojievlar tomonidan yaratilgan “Pedagogik texnologiya – zamonaviy o‘zbek milliy modeli” nomli metodologik qo‘llanmasidir. Biz ushbu innovasion texnologiyani ta’lim-tarbiya jarayoniga kiritishni va uni ta’lim amaliyotida qo‘llashni o‘z oldimizga maqsad qilib qo‘yganmiz. Ta’lim-tarbiya sohasida mehnat qilayotgan har bir kishi bugungi kunda yuzaga kelayotgan yangi tushunchalarni anglashi, shuningdek darslarni loyihalash asosida modulli o‘qitish texnologiyalardan ham xabardor bo‘lishlari kerak. Mualliflar qo‘l urgan o‘quv-uslubiy qo‘llanma bo‘lajak boshlang‘ich sinf o‘qituvchilariga matematika o‘qitish metodikasi fanidan kam kuch va kam vaqt sarflab, chuqur va puxta bilimlar berish uchun keng imkoniyatlar yaratadi. Loyihalash asosida modulli o‘qitish nazariy jihatdan to‘la asoslangan bo‘lib, bugungi kunda uni ta’lim jarayoniga tatbiq etish eng dolzarb masala.