Mazkur ilmiy ommabop asar «Sog‘lom bola yili»ga bag‘ishlangan bo‘lib, unda sog‘lom va barkamol bolani voyaga etkazishning zamonaviy nazariya va amaliyoti asoslarini ommabop tilda yoritib berishga harakat qilingan. HHI asr bolalarining ta’limi va tarbiyasi bilan mashg‘ul bo‘luvchi shaxslar, mas’uliyatli bu vazifaga hozirgi zamon ilmining nuqtai nazaridan yondoshishlari talab qilinganligi bois, kitobda shu zamonning eng ilg‘or ilmiy dunyoqarashi va uning hosilasi bo‘lgan «Majmu yondashuv tamoyili»ga qisqacha tushuntirish berib o‘tilgan. Har qanday bolaning negizini inson tashkil qilganligi munosabati bilan, kitobda «Hazrati inson», «sog‘lom bola», «barkamol shaxs» tushunchalar mazmunini ochib berib, «sog‘lom va barkamol bola» maqomiga erishishni maqsad qilib olganlarga zarur bo‘lgan fazilatlar tizimi va ularga erishish yo‘llarini ma’naviy merosimiz orqali va jonli misollar bilan dialektika qonunlari va didaktika tamoyillaridan kelib chiqib yoritib berilgan. Kitob, uzluksiz ta’lim tizimida faoliyat olib boruvchi o‘qituvchi va pedagoglarga mo‘ljallanib yozilgan bo‘lishiga qaramay, u bolalar sog‘ligi va barkamolligi bilan shug‘ullanuvchi ota-ona va boshqa mutasaddi shaxslar faoliyatiga ham asqotadi, degan umiddamiz.