Qaysi bir inson zoti borki, shu yorug‘ dunyoga kelib, ko‘z ochib, ulg‘ayib, voyaga etib borar ekan, u o‘z oldiga ma’lum maqsad va vazifalarni qo‘yib, ularni amalga oshirish sari tinmay sa’y-harakatda bo‘ladi. Ayniqsa bunda yosh bo‘g‘in namoyandalari qalbi, diliga, shuuriga ezgulik urug‘ini qadash, eng olijanob insoniy fazilatlarni singdirib borish, shu yo‘l bilan ularni buyuk kelajagimiz bunyodkorlari qilib tarbiyalash favqulodda ahamiyat kasb etadi.
Bizning mustaqil yurtimizda yuz berayotgan hayratomuz ulug‘vor o‘zgarishlar silsilasi davomida ozod mehnat kishisining tafakkuri, ilmiy dunyo qarashida ham chuqur siljishlar bo‘y kersatmoqda. Bu esa zamondoshlarimizning kuchiga-kuch, qudratiga qudrat bag‘ishlab, ularni yuksak marralar sari ilhomlantirmoqda.
Jamiyatimizda odamlarning bir-birini hurmatlash, o‘zaro birlashib, jipslashib xayrli ishlarga qo‘l urish, o‘zlikni teran anglash, tarix sinovlaridan o‘tgan umuminsoniy, milliy, ma’naviy qadriyatlarni ardoqlash, ularni hozirgi turmush tarzimiz mazmuni va xarakteriga monand rivojlantirish – bular bugun va yaqin kelajagimizning o‘tkir, dolzarb vazifasi bo‘lib qolmoqda.