Серверда душанба кунигача (21 октябр 2019 йил 11:00 гача) техник ишлар олиб бориляпти. Ҳарид қилинган китобларни ўқиш ва юклашда муаммолар бўлиши мумкин.
Вақтинчалик ноқулайликлар учун узр сўраймиз!
Энди Сиз сотиб олган китобларингизни юклаб олишингиз шарт эмас!
Эътибор беринг: ҳозирда бизнинг сайтимизда сотиб олинган электрон китоблар 3-та усулда ўқилиши мумкин:
мобил илова орқали, Windows-илова орқали ва сайтдаги онлайн-ўқувчи орқали. Батафсил -->

Аҳад Андижон

Аҳад Андижон

 

Аҳад Андижон – туркиялик шифокор олим, сиёсатчи ва давлат арбоби, ижодкор.
1951 йилда Афғонистоннинг Қундуз шаҳрида, Андижондан кўчиб борган ўзбек оиласида туғилган. У бир ёшда экан, оиласи Туркиянинг Қўнё вилоятига ҳижрат қилади. Аҳад Андижон Оқшаҳарда бошланғич ва ўрта мактабни битириб, 1968-1974 йилларда Истанбул университетининг тиб факулътетида таълим олади. Ҳарбий хизматни ўтаб келиб, яна тиб бўлимида шифокорлик ва илмий фаолиятини давом эттиради. Англияда тиб йўналишида ишлаб, тажриба орттириб қайтади (1979). Тадқикотлари ва илмий фаолияти натижасида доцент (1984), профессор (1991) унвонларига эришади.
1984 йилдан бошлаб у Истанбулда жойлашган Туркистонликлар ёрдамлашма жамиятининг раиси сифатида кенг ва жадал фаолият юритди. 1988 йилдан “Туркистон” журналининг бош муҳаррири сифатида, бир неча йил давомида Ўзбекистон, Қозоғистон, Қирғизистон, Тожикистон, Туркманистон ва Афғонистондаги ҳаётни, шунингдек, Туркиядаги туркистонликлар турмушини ёритишда, бу ўлкаларнинг муҳим масалаларини Туркияга танитилишида хизмат килди. Оқибатда Туркиянинг таниқли сиёсатчиларидан бирига айланди. АНАП партиясидан, Истанбулдан депутат қилиб сайланди ва 1997-1999 йилларда Туркия давлат вазири вазифасини бажарди.
Туркча ва ўзбекчадан ташкари инглиз ва француз тилларини билади. Тиб йўналишида кўплаб илмий мақолалари ва икки китоби нашр этилган. Туркистон ва турк дунёси мавзусидаги неча юзлаб мақолалари турли тилларда, жаҳон матбуотида босилган. “Ўзгаришлар давридаги турк дунёси”, “Туркистон учун кураш”, “Усмонли-Туркистон алоқалари” номли уч илмий-оммабоп асари нашр килинган.
1990 йилда Ўзбекистонга келган, ота юрти билан яқиндан танишган. “Туркистон” журналидаги юртимизга боғлиқ асарлари ва фаолияти учун унга Ўзбекистон ёзувчилар уюшмаси тарғибот марказининг йиллик Чўлпон мукофоти берилган (1992).