Сайтимиздан нафақат электрон, балки қоғозли китобларга ҳам буюртма беришингиз мумкин.
Буюртмангиз Ўзбекистон почтаси орқали манзилингизга етказилади. Дўкон телефони: +99871 227-12-39

Энди Сиз сотиб олган китобларингизни юклаб олишингиз шарт эмас!
Эътибор беринг: ҳозирда бизнинг сайтимизда сотиб олинган электрон китоблар 3-та усулда ўқилиши мумкин:
мобил илова орқали, Windows-илова орқали ва сайтдаги онлайн-ўқувчи орқали. Батафсил -->

Саидахбор Булатов

Саидахбор Булатов

 

БУЛАТОВ Саидахбор Собитович – сермаҳсул, серқирра етук олим, илмий тадқиқот йўлини босиб ўтган зиёли инсон, педагогика фанлари доктори, профессор, Россия Халқаро Педагогик Таълим Фанлари Академияси ва Греция “Антик дунё” Халқаро илмий Академиясининг академиги, Ўзбекистон Республикаси Бадиий Академияси ижодкорлар уюшмасининг аъзоси, таълим тизими учун 500 га яқин энциклопедия, монография, дарслик, электрон дарслик ва ўқув қўлланмалар, электрон кўргазма қуроллар мажмуаси, ўқув ва методик қўлланмалар, изоҳли луғатлар, методик тавсияномалар, рисола ҳамда мақолалар муаллифи.
Москва шаҳрида номзодлик ва докторлик диссертацияларини ҳимоя қилган (1985, 1994 йй.). Ўзбекистон Халқ таълими аълочиси. (1996 й.). Ўзининг 60 босма табоққа яқин «Ўзбек халқ амалий безак санъати» номли йирик ҳажмдаги фундаментал илмий тадқиқот асари билан эл назарига тушди, истеъдодли олим деган ном олди.(1991 й.) Ўзбекистонда амалий безак санъати соҳаси бўйича ҳозирда ягона фан доктори. Унинг илмий раҳбарлигида 20 дан ортиқ шогирди магистрлик, номзодлик ва докторлик диссертацияларини ёқлаган. Олим халқ амалий безак санъати соҳасидан ташқари тасвирий санъат, астрология, фалсафа, психология, эстетика, этика, тилшунослик, этнография, тарих ва халқ педагогикаси фанларидан ҳам китоблар чоп эттирган.