Қудрат Дўстмуҳаммад 1941 йил 10 мартда Тошкент шаҳрининг Сағбон кўчасида хизматчи оиласида тўққиз фарзанднинг бешинчиси бўлиб туғилган. Ўқишга, айниқса адабиёт фанига иштиёқи баланд эди, шеърлар машқ қилиб турарди.1958 йили ўрта мактабни олтин медаль билан битирган, 1963 йили Тошкент политехника институтининг механика факультетига битириб, инженер-механик мутахасислигини эгаллаган. Автомобил таъмирлаш заводида ишлагандан сўнг, Ўзбекистон Фанлар академиясининг механика иститути аспирантурасига, иқтисодий кибирнетика йўналиши бўйича ўқишга қабул қилинган.1969 йилдан буён шу йўналишда фан номзоди, доцент, профессор даражасига эришган. Кўплаб ўқув қўлланма, монографиялар, илмий-оммабоп китоблар муаллифи.Илк тўплами 1981 йили Маҳкам Раҳмоновнинг қиссаси билан бир муқова остида илмий-фантастик йўналишидаги “Тунги телепатия”, 1987 йили “Темиртангалар”, 1992 йили “Нолжон ва Биржон” номли маърифий рисоласи, 2002 йили “Нобел мукофотини олган адиблар” китоби, 2007 йили болалар учун “Билл сайёраси” қиссаси, 2008 йили “Адибларнинг Нобел маърузалари” номли тўплами ва бошқалар нашр этилган.1990 йилдан Ўзбекистон Ёзувчилар уюшмаси аъзоси.