1968 йили Москва давлат педагогика институтининг дефектология факультетини тугатгач, кўп йиллар мобайнида Ўзбекистон Республикаси халқ таълими вазирлиги тизимидаги махсус таълим муассасаларида фаолият юритиб келган. У 1989-2009 йиллар мобайнида республика таълим маркази махсус таълим бўлими бошлиғи лавозимида фаолият кўрсатиши давомида имконияти чекланган болаларнинг узликсиз таълими тизими бўйича дастур, дарслик, ўқув-услубий қўлланмалар яратиш ва меъёрий хужжатларни ишлаб чиқишда самарали хисса қўшиб келган. Р. Шомаҳмудова Ўзбекистонда инновацион таълим, яъни инклюзив таълим ғоясини жорий қилиш, муттахасислар иштирокида концепция ва ўқув-услубий қўлланмаларни яратиш, инклюзив таълимни амалиётга тадбиқ қилиш мақсадида халқаро ташкилотларнинг лойиҳаларида фаол иштирок этиб, кўплаб ижобий ютуқларга эришган. Имконияти чекланган болаларга тиббий, техникавий ёрдам кўрсатиш мақсадида чет-эл инвистицияларини жалб қилишда ҳам ўз ҳиссасини қўшган. У ҳозирги кунда Низомий номидаги Тошкент Давлат Педагогика университетининг дефектология факультетида магистр талабаларга ихтисослик ва инклюзив таълим фанидан сабоқ бериб келмоқда. 1994 йили «Халқ таълими аълочиси» медали, 2001 йили "Дўстлик" Давлат ордени билан тақдирланган.