Китоб қандай ўқилади?

Сайтимиздаги электрон китобларни 3 усулда ўқиш мумкин: kitobxon мобиль android-иловаси орқали, kitobxon windows-дастури орқали ёки сайтда онлайн равишда

Батафсил

Китобни қандай сотиб олиш мумкин?

Кетма-кетлик бўйича тавсия: сайтда қандай рўйхатдан ўтиш, сайтдаги шахсий ҳисобни қандай тўлдириш мумкин, керак бўлган китоб учун қандай тўловни амалга ошириш

Батафсил

Сиз муаллифмисиз?

Ҳурматли муаллифлар: Сайтимизда асарларингиз жойлаштирилишини (ёки сайтдан ўчирилишини) истасангиз биз билан шартнома тузиш учун боғланишингизни сўраймиз

Батафсил

Савол-жавоблар

Агар мен Ўзбекистонда бўлмасам, қандай қилиб китоб сотиб олишим мумкин?
Нима учун PDF-форматини юклаб ололмайман?
Интернетсиз китобни қандай ўқиш мумкин?
ва бошқа саволларингизга бизнинг жавобларимиз

Батафсил

Зарифбой Ибодуллаев *

Зарифбой Ибодуллаев

 

Тошкент тиббиёт академияси “Асаб касалликлари, тиббиёт психологияси ва психотерапия” кафедраси профессори, тиббиёт фанлари доктори. У 1965-йил 19-январда Хоразм вилоятининг Ҳазорасп туманида ўқитувчи оиласида таваллуд топган. З. Ибодуллаев Тошкент Давлат тиббиёт институтининг даволаш факултетини 1988-йили “Даволаш иши” йўналиши бўйича тугатиб академик Наби Мажидов тавсиясига кўра “Асаб касалликлари” кафедрасида ёш кадр сифатида ишлашни бошлади.
З.Ибодуллаев 1989-йил Тошкент Давлат тиббиёт институти “Асаб касалликлари” кафедраси ўқув-илмий лабораториясига мудир этиб тайинланган. 1991-йил 2-Тошкент Давлат тиббиёт институтининг “Асаб касалликлари” кафедрасига ассистент лавозимига ишга қабул қилинади.
З. Ибодуллаев 1997-йилгача деярли психиатрия фани мавзуларига охсаб қолган тиббиёт психологияси мавзуларини қайта кўриб чиқиш зарурлигини илгари суради. Бу таклиф институт раҳбарияти, ҳусусан, ректор Каримов Ҳ.Ё. томонидан маъқулланади. З.Ибодуллаев Ўзбекистонда “Тиббиёт психологияси” фанини ўқитишни Европа давлатлари ўқув дастурларига мослаштириб тузади. Фан дастурини тузишда асосий урғу “Психосоматик тиббиёт” га берилади. Республикада биринчи бўлиб тиббиётда “Фрейд назарияси ва психоанализ” таълимоти ўқитиб бошланади.
2008-йил З. Ибодуллаев томонидан “Тиббиёт психологияси” дарслиги чоп қилинган. Ушбу фан бўйича Ўзбекистонда илк бора нашрдан чиққан дарслик 2009-йил “Йилнинг энг яхши дарслиги” совринига сазовор бўлди. 2008-2010-йиллар З. Ибодуллаев томонидан “Тиббиёт психологияси” фани бўйича магистратура йўналиши учун ДТС ишлаб чиқилди.
З. Ибодуллаев томонидан 2008-йил тайёрланган “Тиббиёт психологияси” дарслигининг 2-нашри 2012-йил, 3-нашри 2019-йил чоп этилади. Ўз фаолиятини неврология ва кейинчалик нейропсихология соҳасидан бошлаган олим асаб касалликларига оид дарсликлар ва ўқув қўлланмаларини ҳам чоп қилдиради. 2013 ва 2014-йиллар “Асаб касалликлари” дарслиги кирилл ва лотин алифболарида нашрдан чиққан ҳамда “Йилнинг энг яхши дарслиги” совринига сазовор бўлган.
Профессор Зарифбой Ибодуллаев 160 дан ошиқ илмий асарлар муаллифи. Унинг илмий раҳбарлигида неврология, нейропсихология ва тиббиёт психологияси йўналишлари бўйича диссертация ишлари тайёрланган ва тайёрланмоқда. З. Ибодуллаев томонидан “Асаб касалликлари” дарслиги (2013, 2014, 2021), “Умумий неврология” дарслиги (2021), “Тиббиёт психологияси” дарслиги (2008, 2012, 2019), невропатологлар учун “Инсулт ва кома” (2014), “Эпилепсия” (2018), “Неврология” (2017) номли йирик қўлланмалари чоп қилинган. Кенг омма учун мўлжалланган “Асаб ва руҳият” номли асар 2013-йилдан буён 4 маротаба нашрдан чиқди ва шу кунларда 5-нашри чоп қилиниш арафасида. 2022-йил Туркияда “Асаб ва руҳият” (Синир ва руҳият) китоби турк тилида нашр юзини кўрди.

Сўнгги йилларда З. Ибодуллаев томонидан чоп қилинган илмий ишлар рўйхати:
З. Ибодуллаев. Инсулт ва кома. Врачлар учун қўлланма. Т.: 2014. – 196 б;
З. Ибодуллаев. Эпилепсия. Врачлар учун қўлланма. Т.: 2018. – 174 б;
З. Ибодуллаев. Тиббиёт психологияси. Дарслик, 3-нашр. Тошкент. 2019. 494 б.
З. Ибодуллаев. Асаб ва руҳият. Илмий-оммабоп рисола. 4-нашр. 2019. 312 б.
З. Ибодуллаев. Асаб касалликлари. Дарслик, 2-нашр. Тошкент. 2021. – 960 б.
З. Ибодуллаев. Умумий невролигияи. Дарслик, Тошкент. 2021. – 312 б.
З. Ибодуллаев. Синир ва руҳият. Илмий-оммабоп рисола. Туркия, Анкара., 2022. 316 б.