Муаллифлар

Рўзибой Нормахматов Техника фанлари номзоди, профессор. 1949 йили Бойсун туманида туғилган. Самарқанд кооператив институти (1970 йил) ва Москва кооператив институти (1976 йил) аспирантурасини тамомлаган. 3 дарслик, 5 ўқув қўлланма, 1 монография, 130 дан ортиқ илмий-услубий ишлар унинг муаллифлигида чоп этилган.

Нодир Норматов ёзувчи, санъатшунос, фоторассом. 1950 йил 24 декабрда Сурхондарё вилояти Шеробод туманидаги Пошхурд қишлоғида туғилган. 1972 йилда Тошкент Давлат Университети журналистика факульте- тини (Ҳозирги Ўзбекистон Миллий Университети) тугатган.Ўзбекистон Ёзувчилари уюшмаси ҳамда Ўзбекистон Бадиий Академияси Бадиий Ижордкорлар уюшмаси аъзоси.«Кўҳитанг ҳикоялари» (1977), «Жарликдан қушлар учди» (1986), «Голубые орехи» (рус тилида, 1990) китоблари, «Баригал» (1991), "Кўзгудаги икковлон" (2013), «Рўзи Чориевнинг сўнгги васияти» (2009, Ўзбек ва рус тилларида) романлари, «Муқаддас балиқлар эгаси» (1981), «Дарахт тагидаги одам» (1987), «Бисот» (2012), «Исмоил тоғанинг тарозиси» (1987), «Жазо» (1985) қиссалари чоп этилган. Республика ва халқаро фотокўргазмалар қатнашчиси. 2010-2012 йилларда унинг "Қишлоқ томон йўл", "Сурхон оҳанглари", "Ватан сенсан, Ватан мен", "Эзгулик тимсоллари" каби қатор шахсий кўргазмалари намойиш этилган. 2010 йилда "Меҳнат шуҳрати" ордени билан мукофотланган.

Иброҳим Норматов 1943 йил 2 декабрда Андижон вилоятининг Асака шаҳрида туғилган. Журналист, ТОШДУнинг журналистика факультетини сиртдан ўқиб тугатган. Мухбирлик фаолиятини 1955 йилда мактабда ўқиб юрганида бошлаган. Президентнинг халқчил ички сиёсатини ҳамда мустақил ташқи сиёсатини тарғиб қилиш, ташқаридан Ўзбекистонга бўлаётган ҳар қандай бўхтон, туҳмат ва хуружларга зарба бериш, Ватан ва миллат шаъни учун курашиш, халқаро ҳаётни шарҳлаш фаолиятининг асосий йўналишидир. Меҳнат фахрийси, журналистиканинг ҳамма жанрида олдингидай ижод қилади. Мудофаа вазирлиги, Адлия вазирлиги, Ҳарбий прокуратура, Ички ишлар вазирлиги идораларида мунтазам ўз маърузалари билан иштирок этиб туради. 1997 йилда “Ўзбекистон Республикасида хизмат кўрсатган журналист” унвони, 1995 йилда Ўзбекистон Республикасининг фахрий ёрлиғи, 2011 йилда “Мустақилликнинг 20 йиллиги” нишони билан мукофотланган. Ўзбекистонда хизмат кўрсатган журналист Иброҳим Норматов 2020 йил 21 октябрь куни вафот этди.

Eʼtiboringizga havola etmoqchi boʻlgan inson, ushbu ajoyib uslub muallifi Mirzakarim Sanaqulovich Norbekov – ruhshunoslik fanlari doktori, pedagogika fanlari doktori, tibbiyot falsafasi boʻyicha doktorlik unvoni sohibi, professor. Rossiya hamda qator xorijiy davlatlar akademiyalarining haqiqiy va muxbir aʼzosi. “Inson” institutining asoschisi va prezidenti “Sam chon do” boʻyicha va “Kyokusinkay” boʻyicha qora belbogʻ sohibi (3 dan). Koʻp millionli kitobsevar doʻstlvrimiz uni jahon bestselleriga aylangan kitoblar muallifi sifatida yaxshi tanishadi. – Salomatlik kaliti yoxud koʻzoynaksiz hayot sari (“Opыt duraka, ili Klyuch k prozreniyu”), – Million tekin maslahat topish yoʻli (“Gde zimuyet kuzьkina matь, ili Kak dostatь xalyavnыy million resheniy”), – Oʻz ustingda ishla (“Rabotay nad soboy”) va boshqalar. Shu bilan birga hali rus tilidan oʻzbek tiliga tarjima qilinmagan “Energeticheskaya klizma, ili triumf teti Nyurы iz Prostodыrovo” , “Uspex na vashu golovu i kak yego izbejatь”, “Trenirovka tela i duxa”, “Sekretы zdorovьya i molodosti, ili kak zarazitьsya lyubovьyu k sebe”, “Bolьshaya kniga o novoy jizni”, “Opыt duraka 2. Klyuchi k samomu sebe”, “Opыt duraka 3. Kak jitь i dobro najivatь: samostoyatelьnoye izgotovleniye semeynogo schastьya v domashnix usloviyax” kabi qator kitoblarning ham muallifi. Bugungi kunga kelib, milliondan ortiq insonlarga sogʻlom hayot quvonchini qaytarib bergan shunday gʻaroyib oʻquv-sogʻlomlashtirish uslubi muallifining oʻzi ham bir paytlari 1-guruh nogironi boʻlganiga insonni hatto ishongisi ham kelmaydi. Ayni navqiron yigit paytida shifokorlar Mirzakarimni kasalini chorasiz, umid yoʻq deb topishdi. Lekin u xastalikni yengishga erisha oldi. Endilikda bu kuchli inson boshqalarga, xastalikdan chiqib olish va sogʻlom boʻlish yoʻllarini oʻrgatmoqda. 5 000 000 ortiq insonlar allaqachon oʻz salomatliklarini tiklab olishdi. “Tibbiyotning barcha kitoblarida sizning xastaligingiz bedavo deb yozilgan boʻlishi mumkin, lekin bu hayotda sizni ushlab turishga arzigulik nimadir boʻlsa – siz muvaffaqiyatga mahkumsiz” – deydi akademik Norbekov. Va bu shunchaki soʻzlar emas. Hozirgi kunda 5 000 000 ortiq insonlar Institut kurslarida oʻz sogʻliklarini tiklashga, hayot yoʻllarini ijobiy tomonga oʻzgartirib, muvozanatga keltirib olishga erishdilar. Kurslardagi mashgʻulotlar tufayli ijobiy kayfiyat va quvvatini tiklab olgan koʻp sonli tinglovchilar oiladagi, ota-ona va farzandlar oʻrtasidagi, ishxonada jamoa orasidagi oʻzaro kelishmovchiliklar va ziddiyatlarni bartaraf etib oʻzaro uygʻunlik muhitini tiklab olishga erishdilar. Uslub insondagi bunyodkorlik kuchlarini ishga tushirishdan tashqari, uning biznes ishlaridagi xavfsizligini taʼminlashga ham taʼsir qiladi. Koʻplab tinglovchilar kurs mashgʻulotlaridan keyin oʻzlarining shaxsiy ishlarini ochishgan.