Муаллифлар

Таджибаева Дилдора Абдурахимовна 1970 йил 13 апрель куни Тошкент шаҳри Яккасарой туманида туғилган. Миллати ўзбек. Маълумоти олий, юрист ва педагог. 1992 йил Низомий номли Тошкент давлат Педагогика институтини имтиёзли қизил диплом ҳамда 2008 йил ИИВ Академиясини сиртдан тамомлаган. Юридик фанлар бўйича фалсафа доктори Таджибаева Дилдора Абдурахимовна 40дан ортиқ илмий ва ўқув-услубий ишлар муаллифи, унинг томонидан илмий журнал ва тўпламларда 34дан ортиқ илмий мақолалар чоп этилган. Илмий мақолалари АҚШ, Франция, Польша, Россия, Украина, Қозоғистоннинг илмий нашрларида чоп этилган. Таджибаева Дилдора Абдурахимовнанинг илмий изланиши натижалари норматив-ҳуқуқий ҳужжатларда жорий этилганлиги бўйича Ўзбекистон Республикаси Олий Мажлиси Қонунчилик палатаси, Вазирлар Маҳкамаси ва Ички ишлар вазирлигидан жами 7 та далолатнома олинган.

Кафолатланган муваффақият институти асосчиси, 20 йиллик тажрибага эга халқаро тоифадаги: психолог, бизнес консультант, бизнес тренер, коуч. “Статус Истины”, “Парвоз”, “Бизнес ташкил қилиш ёки STARTUP” китобларнинг муаллифи...

Атоқли шоир, маданият ва жамоат арбоби Азим Суюн (Суюнов Азимбай Алимович) 1948 йил 22 февралда Самарқанд вилоятига қарашли Накурт қишлоғида туғилган. Илк шеърий машқлари, мақолалари ўқувчилик кезларидаёқ ёритила бошлади. Биринчи китоби «Менинг осмоним» (1978) ўттиз ёшида дунё юзини кўрди. Шундан сўнг шоирнинг «Зарб» (1979), «Замин тақдири» (1981), «Хаёлот» (1984), «Зиё йўли» (1986), «Жавзо» (1987), «Олис тонглар» (1989), «Куйганим — суйганим» (1992), «Сарбадорлар» (1994), «Қора кўзинг сенинг» (1994), «Сайланма» (1997), «Ўзлик» (1999), «Шарқ хикмати» (2000), «Эй дўст» — шеърий қайирмалар (2005), «Ватан фасллари» (2007), «Муҳаббат ҳайратлари» (2009), «Андиз ўсган ерларда» (2012), «Эй дўст» — насрий қайирмалар (2014), «Навоийдан топдим» (2015), китоблари нашр этилди. Азим Суюн ҳақсўз журналист-публицист сифатида ҳам танилганди. 1990-1993 йилларда «Халқ сўзи» газетасида бўлим муҳаррири, 1993-2002 йиллар «Ўзбекистон овози» ва «Голос Узбекистана» газеталарида Бош муҳаррир, 2002 йилнинг феврал ойидан 2013 йилгача «Гулистон» журнали Бош муҳаррири лавозимларида ишлади. Азим Суюн Ўзбекистон Республикасида хизмат кўрсатган Маданият ходими унвони билан тақдирлаган. Биринчи чақириқ Ўзбекистон Республикаси Олий Мажлиси депутати этиб сайланганди.