Habaringiz borki navoiylik sermahsul, serqirra adib Muzaffar Jahon yaqinda nazm yo‘lidagi uzoq yillik sersamar, serbaraka ijodidan ajoyib bir saralangan, o‘ta did bilan terib va yig‘ib tuzilgan birlamchi saylanmasini yaratib, siz o‘quvchilar hukmiga havola qilgan edi. Mana oradan hali ko‘p vaqt o‘tmay turib qo‘limizda dunyo tashvishlari, unda chumolidek g‘imirsigan odamzot o‘y-kechinmalari hamda hisobsiz g‘alva-yu muammolari bilan batamom uyg‘un ergan ikkinchi navbatdagi yirik saylanmasi turibdi. Bundan yaqqol ko‘rinadirki, sira tinib-tinchimagan, o‘zini erta-yu kech cho‘g‘u o‘tga urgan, qolaversa, bu o‘tkinchi hayot olag‘ovurlariga aslo befarq bo‘lmagan mazkur qalamkash birodarimiz doimo cheksiz-chegarasiz sanalgan basharda katta to‘lqin, haybatli bir oqim hisoblangan odamlar orasidadir. Ishonchimiz komilki, ummonu dengiz sanalgan olomon orasida tug‘ilgan, buning ustiga batamom hayot falsafasiga yo‘g‘rilgan bu hali ohori ketmagan yangi ikkinchi zalvorli saylanma ham ilgarigisi kabi ko‘p sonli adabiyot va she’riyat muxlislarini sira-sira befarq qoldirmaydi.