Журналимизнинг ушбу сонини ўқиш орқали сиз ўзбек романчилигининг асосчиси, улуғ ёзувчимиз Абдулла Қодирийнинг кутубхонаси, ундаги китоблар, ёзувчининг кутубхоналар борасидаги фикрлари ва шахсий кутубхонанинг фожиали тақдири билан танишасиз! Бундан ташқари, журналимиздан профессор Абдулла Аъзамнинг «Алишер Навоий ғазалларида ҳазил-мутойиба», Анвар қори Турсуновнинг «Ҳар уйда навоийхонлик бўлсин», Марғуба Йўлдошеванинг «Шарқни ўрганиш кутубхоналардан бошланади», Зебунисо Алимардонованинг «Термезский археологический музей» каби бир қатор долзарб мақолалар ўрин олган. Тобора журналимиз чет эллик мутахассисларнинг ҳам эътирофини қозонмоқда ва улар бизнинг журналимизда ўзларининг мақолалари билан қатнашиш истагини билдираётгани қувонарли ҳолдир. Чехия Миллий кутубхонаси бўлими бошлиғи Зденек Васек «Чешская реализация URN: NВN системы» шулар жумласидандир. Шу билан биргаликда, Россия Федерацияси, Қозоғизтон Республикаси кутубхоналарида фаолият юритаётган бир қатор мутахассислар ҳам ўз мақолалари билан қатнашганлар.