Мазкур сонда Марказий давлат архивининг катта илмий ходими, тарих фанлари доктори Муҳайё Исоқованинг «Дунё хотирасида Ўзбекистон мероси» деб номланган мақоласи эътиборингизни тортиши аниқ. Муаллиф мақоласида ЮНЕСКОнинг ноёб архив ҳужжатлари ва кутубхоналардаги нодир қўлёзмаларнинг «Жаҳон хотираси» маданий мерослар дастурига киритилиши ҳақида фикр юритиб, Ўзархив агентлиги фондида сақланаётган «Хива хонлиги девонхонаси» ҳужжатларига алоҳида тўхталади.

Журналнинг мазкур сонида ҳам хорижий мамлакат муаллифларидан келган бир қатор мақолалар эътиборингизга ҳавола этилмоқда! Жумладан, Миср Араб Республикасининг Миллий кутубхона ва архив ҳужжатлари директорлар кенгаши раиси Аҳмад аш-Шавки,Босния ва Герцоговина Миллий университети кутубхонаси директори Исмат Овчин, Молдова Миллий кутубхонаси бош директори Елена Пинтилей, Корнели Кекелидзе номидаги Грузия Миллий қўлёзмалар марказидан Тамар Жгенти, В. Г. Белинский номидаги Калуга вилоятининг илмий кутубхонасидан Татьяна Леонтьева, Псков вилояти илмий универсал кутубхонасидан Ирина Королёваларнинг мақолалари шулар жумласидандир.