Hurmatli kitobxon!

O‘zbekiston Respublikasi Prezidenti Islom Karimovning «O‘zbekiston mustaqillikka erishish ostonasida» kitobining lotin grafikasiga asoslangan o‘zbek yozuvidagi ushbu nashri mazkur asarning 2011-yilgi kirill yozuvidagi nashri asosida tayyorlanib, e’tiboringizga havola etilmoqda.

Ma’lumki, Vatanimiz tarixida unutilmas davr bo‘lgan, mamlakatimiz rahbarining O‘zbekistonning o‘z davlat mustaqilligini qo‘lga kiritish arafasida va undan keyingi dastlabki oylarda olib borgan jo‘shqin va serqirra giyosiy-ijtimoiy faoliyatini aks ettirgan bu kitob xalqimiz tomonidan katta qiziqish va e’tibor bilan kutib olindi. Buning asosiy sababi va omillari haqida fikr yuritganda, avvalo ushbu kitobning g‘oyat muhim mavzu, ya’ni qancha-qancha ajdodlarimizning asriy orzusi bo‘lgan, bugungi kunda ko‘pmillatli xalqimiz uchun eng ulug‘, eng aziz qadriyatga, barcha ezgu maqsad va harakatiarimiz, bunyodkorlik ishlarimizning hayotbaxsh manbayiga aylangan mustaqillikka erishish yo‘lida 1989— 1991 -yillar mobaynida olib borilgan mashaqqatli kurashlar tarixiga bag‘ishlanganini alohida ta’kidlash lozim…