Ўзбек халкининг маданий-маърифий ҳаётида катта вокеа бўлган педагогик атамалар мазмунини модернизациялаш ва унификациялашда 3 жилдли «Педагогика энциклопедияси»нинг яратилиши алоҳида аҳамиятга эга. Ушбу энциклопедиянинг мазмун ва мундарижасини белгилашда жаҳон қомусчилиги анъаналаридан, бу соҳада мамлакатимизда орттирилган ижобий тажрибалардан фойдаланишга ҳаракат қилинди. «Педагогика энциклопедияси» педагогика фани, таълим-тарбия, педагогик психология, педагогик антропология, фалсафий педагогика, ижтимоий педагогика, педагогик диагностика, статистик педагогикага оид маълумотларни мухтасар тарзда ифодалаш билан бирга инсоният тамаддунининг муҳим ютуқлари ҳақидаги билимлар мажмуини ўз ичига олади. Мазкур китобда тақдим этилаётган педагогик атамаларнинг мазмуни педагогик муомаладаги қийинчиликларни бартараф этиш имконини беради.

Ушбу атамалардан фойдаланишда уларнинг ҳар бири кандай маънода истеъмол килинишидан қатъи назар ўқувчилар, талабалар, илмий-педагогик жамоатчилик, умуман, фойдаланувчилар учун қулай ва тушунарли бўлишига эътибор қаратилди.