Авторы

Таниқли шоира ва журналист Замирахон Ходжамбердиева (Замира Рўзиева) ватанпарварлик руҳидаги шерлари, достонлари, публицистик асарлари билан адабиётимиз ривожига улкан ҳисса қўшиб келмоқда. Замирахон Ходжамбердиева 1957 йил 26 декабрда Андижон шаҳрида таваллуд топган. 1980 йилда Ўзбекистон миллий университетининг журналистика факультетини тамомлаган. 1989 йилдан Ўзбекистон Ёзувчилар уюшмаси аъзоси. 2015 йилда "Шуҳрат медали" билан мукофотланган. Унинг шу кунгача ўндан зиёд китоблари чоп этилган. “Мунаввар юртим” (1982), “Гул ислари” (1985), “Қирқ ўрим соч” (1994), “Нашида” (1994), “Атиргулга айланаман” (2002), “Жон риштаси” (2007), “Сарчашма” (2007), “Ташнадил” (2009), “Умид боғи” (2013), “Дил чироғ” (2013), “Хайратнинг сурати” сайланма (2016), “Рушнолик” (2019) номли китоблари ўз ўқувчисини топган. “Ёшлик” альманахига, “Ёшлик баёзи”, “Андижон шоир ва ёзувчилари”, “Андажоним менинг”, “Андижоним-Андажоним” каби жамоа тўпламларига туркум шеърлари киритилган. Шоира шеърий ва публицистик асарлари билан республика миқёсидаги қатор танловларда ғолиб бўлган. Жумладан, “Ватандан буюк дард йўқ” мақоласи 1997 йилда “Меҳринг билан яшаймиз, Ватан” танловида, Бобур ғазалига икки мухаммаси 1993 йилда “Бобурга бағишланган шеърлар” танловида, “Соҳибқирон Темур бобо” шеъри “Амур Темурга бағишланган шеърлар” танловида, 2014 йилда “Олтин қалам” миллий мукофоти совриндори, “Эй дил” қўшиғи “Йилнинг энг яхши қўшиғи – 2016” танловларида ғолиб бўлган. Унинг кўплаб шеърларига Анор Назаров, Баҳрулла Лутфиллаев, Абдуҳошим Исмоилов, Аваз Маллабоев, Қаҳрамон Комилов каби Республикамизнинг таниқли бастакорлари куй басталаганлар. Бу қўшиқлар Ғуломжон Ёқубов, Зулайҳо Бойхонова, Султонпошша Ўдаева, Ғиёс Бойтаев, Шарофат Тожибоева, Дилнура Қодиржонова (марҳум), Сарвара каби қатор таниқли хонандалар ижросида Республикамизнинг катта байрам тантаналарида янграган. Шоиранинг бир нечта қўшиқлари санъат институти талабалари учун чоп этилган “Яккахон хонандалик” дарслик қўлланмасига киритилган.

Моҳичеҳра Рўзиева – 1981 йилда Бухоро вилояти Шофиркон тумани Арабхона қишлоғида туғилган. 2003 йилда Бухоро давлат университети ўзбек филологияси факультети бакалавриатини, 2005 йилда адабиётшунослик (ўзбек адабиётшунослиги) ихтисослиги бўйича магистратурасини тамомлаган. 2005 – 2008 йилларда фольклоршунослик ихтисослиги бўйича аспирантурада таҳсил олган. М. Ё. Рўзиева 2008 – 2015 йилларда филология фанлари доктори, профессор О. Сафаров илмий раҳбарлигида “Ўзбек фольклорида ранг символикаси” номли докторлик диссертациясини тайёрлаган. Унинг “Соғинч соҳили” номли шеърий тўплами ва хорижда 10 га яқин, республика нашрларида 30 га яқин илмий мақолалари чоп этилган...

Рузиев Юсуф Исмаилович – Байкандий родился 24 апреля 1963 года в селе Сайёд Каракульского района Бухарской области. 1980 году окончил с золотой медалью среднюю школу №5. 1993 году окончил Бухарский Государственный университет. Учитель физики и астрономии. Член Союза писателей Узбекистана.