Авторы

Муҳаббат Йўлдошева 1964 йил 22 мартда туғилган. 1981 йилда Тошкент вилоятидаги 16-ўрта мактабни Олтин медаль билан, 1987 йилда Абу Райҳон Беруний номли Тошкент Политехника институтини битирган. Муҳаббат Йўлдошеванинг фантастик ҳикоя ва эртаклари ўзбек, инглиз, серб, ҳинд, бангла, корейс, қозоқ, украин, белорус ва рус тилларига таржима қилинган. 2010 йилда Москвада ўтказилган I-Халқаро Кичик проза танловида “Буюк Сут дарёси” номли эртак қиссаси билан қатнашиб, Болалар адабиёти йўналиши бўйича ғолибликни қўлга киритган. 2011-2014 йиллар давомида 3та бадиий фильм учун сценарий ёзган. 2013 йилда Жанубий Кореяда ўтказилган Ўрта Осиё мамлакатлари халқларининг мифлари, эртаклари ва афсоналари асосидаги сценарийлар Халқаро танловида “Қўҳи-Қоф шаҳзодаси” номли бадиий фильм сценарийси учун 1-ўринни эгаллаган. 1999-2019 йиллар давомида 400дан ошиқ бадиий фильм ва 20та телесериални ўзбек тилига ўгирган. Муҳаббат Йўлдошеванинг биринчи китоби “Кентавр” номли фантастик ҳикоялар тўплами бўлиб, у 1988 йилда нашрдан чиққан. Шундан сўнг “Буюк сут дарёси” (2006), “Тунги хиёнат” (2012), “Принц страны Кохи-Коф” (Жанубий Корея, 2013, ), “Great Dairy River” “Буюк сут дарёси” (АҚШ, 2017), “Great Dairy River” (“Amazon.com Inc” 2017), “Қайнона” (2017), “Юлдузларни ютган тун” (2017), “Ўгай ота” (2019), “Мой друг-облако” (Жанубий Корея, 2019), “나의구름친구”, “Менинг булут дўстларим” (Жанубий Корея, 2019), “My Cloud Friends” каби китоблари нашр этилган. Унинг рус тилидан ўзбек тилига ва ўзбек тилидан рус тилига қилган таржимасида ўндан ошиқ китоблар дунё юзини кўрган бўлиб, “Самовий қотил” (детектив, 2012), “Ўйла ва бой бўл” (муаллиф: Н. Хилл, 2016), “XV-XVI асрлар китоб санъати дурдоналарида Алишер Навоий асарлари” (муаллиф: О.Васильева, 2016), “Самовий қотил” (детектив, 2017), “Ўғри аёл” (детектив, “2017), “Адвокат” (детектив, “2017), “Черная книга алхимика” (муаллиф, Б.Абдуғафур, 2018), “Олтин мерос” (Н. Хиллнинг “Бир йилда бой бўлиш”, “Омад зинаси”, “Фикрланг ва бойинг”, “Фаровонлик сирлари”, “Бойиш қоидалари” номли китоблари киритилган сайланма, 2018), “Узбечка” (муаллиф: Б.Абдуғафур, 2020) шу жумладандир...

1960- yilda Andijon viloyatida tug'ilgan. 1983- yilda Samarqand davlat universitetining biologiya fakultetini bitirgan. 1989- yilda biologiya fanlari nomzodi, 2001- yilda biologiya fanlari doktori dissertatsiyasini himoya qilgan. Hozirda O'zR FA "Botanika" IICHMning Geobotanika laboratoriyasining mudiri lavozimida faoliyat ko'rsatib kelmoqda. Shu bilan bir vaqtda O'zbekiston Milliy universitetida va Samarqand davlat universitetida dars beradi. Botanika, fitotsenologiya, resursshunoslik ilmiy yo'nalishlarida 120 dan ortiq ilmiy ishlari nashr etilgan. Shu jumladan, universitet talabalari uchun 2 nomdagi darslik va 10 dan ortiq nomdagi o'quv qo'llanma, 2 nomdagi monografiyaning muallifidir.

Эшпулатов Достонбек Боходир ўғли, таянч докторант, стажор - ўқитувчи. 1995 – йил 9 - январда Сирдарё вилоятининг Ширин шаҳрида туғилган. Гулистон давлат университети ижтимоий - иқтисодий факультети иқтисодиёт йўналишини тугатган. Гулистон давлат университетида магистратурани тугаллаб, 2022 - йилдан буён Гулистон давлат университетида Иқтисодиёт кафедрасида 08.00.04 "Қишлоқ хўжалиги иқтисодиёти" мутахассислигида "Қишлоқ хўжалигида иқтисодий ўсиш сифатини таъминлашнинг ташкилий - иқтисодий механизми" мавзусида фалсафа фанлари номзодлиги учун илмий тадқиқот ишини олиб бормоқда. Қишлоқ хўжалиги иқтисодиётига бағишланган 30 дан ортиқ илмий ишлари ва соҳа етакчи олимлари билан ҳаммуаллифликда 4 та илмий - услубий ишлари нашр этилган.